Sport

Komisioni i LFP-së kërkon të bëjë pajtuesin mes Kylian Mbappé dhe PSG...

Pas mosmarrëveshjes financiare mes Kylian Mbappe dhe PSG, komisioni ligjor i Ligës Profesionale të Futbollit vendosi të kërkojë ndërmjetësim mes dy palëve.

11 Shtator 2024, 16:28 Nga DOSJA
Komisioni i LFP-së kërkon të bëjë pajtuesin mes Kylian

FRANCE - Kjo është një praktikë gjyqësore që mund të jetë e rëndësishme në të ardhmen për konfliktet financiare midis një lojtari dhe klubit të tij.

Komisioni ligjor i Ligës Profesionale të Futbollit (LFP) vendosi këtë të mërkurë të kërkojë ndërmjetësim mes Paris-Saint-Germain dhe Kylian Mbappé pas mosmarrëveshjes mes dy palëve.

Kapiteni i Bluve kërkon 55 milionë euro paga dhe shpërblime të papaguara dhe avokatët e dy palëve janë takuar paraditen e së mërkurës, me ftesë të komisionit ligjor të LFP-së, të kontaktuar nga ish-lojtari i PSG-së, i cili u largua për në Real Madrid këtë verë.

“Paris-Saint-Germain është i kënaqur me seancën dëgjimore që u mbajt sot për dy orë para Komisionit Ligjor, njoftoi PSG.

Klubi kujtoi se lojtari kishte bërë angazhime të qarta, të përsëritura në publik dhe privat, dhe se këto angazhime duhet të respektohen nga lojtari, në kuadrin e shtatë sezoneve fantastike që korrespondojnë me një investim të paprecedentë nga klubi.

Në dritën e argumenteve të dokumentuara, Komisioni këmbënguli për vendosjen e ndërmjetësimit mes palëve, të cilin Paris-Saint-Germain e kërkon prej shumë muajsh. Komisioni e ftoi lojtarin të marrë në konsideratë këtë proces ndërmjetësimi”.

B.T (Dosja.al)

Sondazh

Poll

MË SHUMË