Aktualitet

Skandali me literaturën e klasës së tretë! Fëmijët prezantohen me komunitetin LGBT që në kopertinën e librit (FOTO)

Në kopertinën e librit, shihet një ilustrim i një magjistari me mjekër, por i veshur me një fustan me ngjyra të komunitetit LGBT. 

6 Shtator 2024, 22:42 Nga r.ll
Skandali me literaturën e klasës së tretë! Fëmijët
KOPERTINA E LIBRIT

TIRANË- Aktivisti i shoqërisë civile, Briken Fejzullai përmes një postimi në Facebook, ka treguar një skandal të publikuar në librat e shkollës fillore, konkretisht në "Gjuha Shqipe 3". 

Në kopertinën e librit, shihet një ilustrim i një magjistari me mjekër, por i veshur me një fustan me ngjyra të komunitetit LGBT. 

Postimi i Fejzullait:  

Gjuha shqipe sa e mirë,
sa e ëmbël zana,
me mjekra me fustana.
~ Naim Frashëri (me mjekër, pa fustan)

Të shumta kanë qenë dhe reagimet e njerëzve në postim ku shumë prej tyre duket se nuk janë dakord me paraqitjen e komunitetit LGBT në librat e shkollës fillore. 

"Zana apo Zani eshte ky o vella??", "Ylbera e dylbera", "E tmerrshme!", "Shiko emrat siper. Si mund te presesh ndonje kopertine tjeter. Kur kopertina eshte keshtu mendo brenda!", ".....dhe me ylbera", ishin disa nga komentet poshtë postimit. 

Kastritot Çipi ka reaguar gjithashtu lidhur me kopertinën e librit. 

"Prindërit, që e kanë blerë këtë libër, janë të lutur të më thonë emrin e autorit të kopertinës.", thuhet në postim.

Aulon Bej Kalaja dhe Erjon Zaloshnja i bëjnë thirrje prindërve të refuzojnë librin dhe ta grisin. 

"Refuzojeni këtë libër o prindër, grisjani në surrat.
A ju duket normale kjo?!
Gjuha shqipe 3 apo LGBT?!
Çfarë do mësojnë fëmijët në klasën e tretë?!
Çfarë kuptimi ka ylberi dhe ngjyrat e tij në kopertinën e lëndës më të bukur?!
Po kjo gjallesa që mban një shkop magjik në dorë, do t’i ndryshojë mendjen fëmijëve që këta të fundit të ndryshojnë gjini apo…?!", thuhet në postim.

Ilir Haxhiaj ka patur po ashtu një reagim ku në postimin e tij në Facebook ngre disa pyetje. 

"Një shtrigë apo shtrigan, me mjekër dhe fustan, askush nuk e ndan! Shkopi magjik dhe miti i kapërcimit të ylberit, që e kthen djalin në vajzë dhe vajzën në djalë janë në sfond të një fëmije, që më shumë po ëndërron sesa lexon. Çfarë po i mësohet në atë libër, vallë? Gjuha e pastër shqipe apo gjuha e errët satanike? Po lapsi i stilizuar bashkë me numrin 3, që evokon piktogramet e bashkimeve të së njëjtës gjini? Dikush më tha se autorja e kopertinës eshte Rita e Vrimës, por ende nuk e kam verifikuar.", thuhet në postim.

gjuha shqipe 3 briken fejzullai

Sondazh

Poll

MË SHUMË