Politike

Ambasada e SHBA-së do të angazhohet me Komisionin e Posaçëm Anti-korrupsion: Puna të jetë përfshirëse, të mbrohet pavarësia e institucioneve

Kjo është bërë e ditur në një postim në rrjetin social “X” ku theksohet se pret që puna e komisionit të jetë transparente në përputhje me kushtetutën.

6 Shtator 2024, 13:46 Nga S.B

Ambasada e SHBA-së do të angazhohet me Komisionin e

TIRANË- Ambasada e SHBA-së ka njoftuar se do të angazhohet në punën e ngritur nga Komisioni i Posaçëm për Mirëqeverisjen dhe Anti-korrupsionin. Kjo është bërë e ditur në një postim në rrjetin social “X” ku theksohet se pret që puna e komisionit të jetë transparente në përputhje me Kushtetutën si dhe përfshirëse. Gjithashtu ambasada thekson se është në mbrojtje të pavarësisë së institucioneve, si dhe puna pritet të përmirësojë të ardhmen e Shqipërisë.

Njoftimi i plotë:

“Si partnerë të palëkundur të përpjekjeve të Shqipërisë për të çuar përpara reformat e nevojshme për anëtarësim në BE, Ambasada e SHBA do të angazhohet me komisionin e posaçëm për mirëqeverisjen, anti-korrupsionin dhe sundimin e ligjit. Ne presim që puna e komisionit të jetë përfshirëse dhe transparente, në përputhje me kushtetutën, në mbrojtje të pavarësisë së institucioneve, si dhe të përmirësojë të ardhmen e Shqipërisë”, thuhet në reagimin e ambasadës.

Komisioni, i cili drejtohet nga Fatmir Xhafa është bojkotuar nga opozita që e sheh si tentativë për kapjen e SPAK dhe institucioneve të reja të drejtësisë. Objekti i komisionit është skanimi dhe reformimi i luftës ndaj korrupsionit dhe sundimi i ligjit në funksion të integrimit evropian të vendit. Po ashtu, synimi është që Kuvendi të rrisë rolin e tij mbikëqyrës dhe llogarikërkues ndaj qeverisë, institucioneve të pavarura dhe agjencive ekzekutive ligjzbatuese. Komisioni ka 11 anëtarë, 6 nga mazhoranca dhe 5 nga opozita. Anëtarët e këtij komisioni janë kryetarët dhe zv.kryetarët e 4 komisioneve të përhershme parlamentare dhe ata të Këshillit të Integrimit Evropian.

ambasada e shba

Sondazh

Poll

MË SHUMË