Politike

"Përfshirje e llahtarshme e policisë në këtë aferë!" Komisioni hetimor për sistemin TIMS, Salianji: Me ndërhyrjen, u vu në rrezik siguria kombëtare

Salianji tha se kjo përveçse është një aferë e jashtëligjshme, ka vënë në rrezik dhe ka cënuar edhe sigurinë kombëtare.

6 Shtator 2024, 13:37 Nga M.B
"Përfshirje e llahtarshme e policisë në këtë
Ervin Salianji

TIRANA- Deputeti i Partisë Demokratike, Ervin Salianji, ka dalë sot në një konferencë për shtyp ku tha se Komisioni Hetimor në lidhje me të dhënat e sistemit TIMS, i ka kaluar pritshmëritë, duke faktuar ndërhyrjet në sistem. Salianji tha se kjo përveçse është një aferë e jashtëligjshme, ka vënë në rrezik dhe ka cënuar edhe sigurinë kombëtare.

Ai shtoi se sot janë në hetim zyrtarë të lartë të policisë së shtetit. Sipas Salianjit, ka pasur një përfshirje të llahtarshme të policisë në këtë aferë. Deputeti i PD-së shtoi se Ervin Muça nuk përmbushte asnjë kusht që të ishte drejtori i IT.

“Komisioni hetimor për të dhënat e TIMS i kaloi pritshmëritë. U faktuan ndërhyrjet në sistem, aferë kjo që cënon sigurinë kombëtare. Sot janë në hetim zyrtarë të lartë të policisë së shtetit. Ka pasur një përfshirje të llahtarshme të policisë në këtë aferë.

Ervin Muça nuk përmbushte asnjë kusht që të ishte drejtori i IT. Procedura për punësimin e disa drejtuesve ka qenë jo e rregullt, madje emërimi i tyre është bërë ende pa u krijuar funksioni”, tha Salianji.

ervin salianji

Sondazh

Poll

MË SHUMË