DURRËS– Prokuroria e Durrësit jep detaje, lidhur me hetimet dhe arrestimet e ekzekutuara në Durrës të personave përgjegjës për shembjen e disa objekteve nga tërmeti tragjik i 26 Nëntorit.
Në deklaratën për medie, prokuroria bën me dije se dëmtimet e këtyre godinave (objekteve) dhe pasojat në jetët e njerëzve kanë ardhur edhe si shkak i kryerjes së ndërtimeve pa respektuar rregullat, normat dhe standardet në fushën e ndërtimit.
DEKLARATA E PLOTË E PROKURORISË SË DURRËSIT:
Në mëngjesin e datës 29.11.2019 Prokuroria pranë Gjykatës së Rrethit Gjyqësor Durrës, ka regjistruar kryesisht procedimin penal Nr.2466, viti 2019, i cili fillimisht bën fjalë për veprat penale “Ndërtimi pa leje” dhe “Shpërdorimi i detyrës” te parashikuara nga nenet 199/a/3 dhe 248 i Kodit Penal.
Më konkretisht, në datë 26.11.2019, ora 03:54, në Durrës dhe rrethinat e tij, ka rënë një tërmet me magnitudë 6.4 ballë të shkallës Rihter, i cili ka zgjatur rreth 30 sekonda. Si pasojë e këtij tërmeti janë dëmtuar një numër i konsiderueshëm banesash dhe objektesh të tjera, si dhe kanë gjetur vdekjen 23 persona në zonën e Durrësit.
Nga veprimet e para hetimore të kryera, dyshohet se dëmtimet e këtyre godinave (objekteve) dhe pasojat në jetët e njerëzve kanë ardhur edhe si shkak i kryerjes së ndërtimeve pa respektuar rregullat, normat dhe standardet në fushën e ndërtimit.
Po kështu ka dyshime se këto pasoja, kanë ardhur edhe si shkak i kryerjes apo moskryerjes së detyrës nga inxhinierët projektues, zbatues, mbikëqyrës dhe kolaudator të këtyre ndërtimeve, si dhe nga veprimet e kryera në kundërshtim me ligjin nga nëpunësit shtetërorë dhe publik të ngarkuar me kontrollin dhe mbikëqyrjen e këtyre ndërtimeve.
Nga hetimet e kryera deri në këtë faze hetimore ka rezultuar se ndaj 18 personave të urdhëruar për tu ndaluar ekzistojnë dyshime të bazuara në prova se kanë konsumuar veprat penale të “Vrasjes me dashje”, “Vrasjes në rrethana të tjera cilësuese”, “Shpërdorimit të detyrës”, “Falsifikimit të dokumenteve”, etj, të parashikuara nga nenet 76,79/dh,248,186/3 të Kodit Penal.
a)Nga ana e ndërtuesve formal dhe informal të këtyre objekteve ndërtimi, ka rezultuar se në kundërshtim me rregullat dhe normat në fushën e ndërtimit dhe konkretisht ku për shkak të dëmtimit në strukturën e objekteve, ka sjell si pasojë vdekjen e disa personave të ndarë sipas objekteve përkatëse. Për këto veprime dyshohet se këta persona kanë kryer elementët e veprës penale “Vrasja në rrethana të tjera cilësuese”, parashikuar nga neni 79 germa “dh” të Kodit Penal.
Nga ana e organit të prokurorisë po i kushtohet një kujdes i vazhdueshëm ndjekjes së hetimeve lidhur edhe me objektet e dëmtuara në të cilat kanë ardhur pasoja të lehta për shëndetin e qytetarëve, si dhe në objektet në të cilat janë shkaktuar dëmtime të rënda materiale. Siç jeni në dijeni drejtpërdrejtë nga tërmeti janë shkaktuar 23 viktima, kanë ndodhur dëmtime të rënda të objekteve dhe banesave të një numri të madh qytetarësh dhe nga ana e Organit të Procedimit është ndërhyrë që krahas sigurisë publike për shëndetin e njerëzve të sigurohen edhe provat e nevojshme në vijim të hetimeve që lidhen me provat materiale të elasticitetit të materialeve të hekurit të përdorur, forcës se betonarmeve, si dhe cilësisë së materialeve të tjera të ndërtimit.
Ditën e sotme, Prokuroria e Durrësit ka lëshuar 17 urdhër arreste për përgjegjësit e sigurisë së ndërtesave që u shembën në tërmetin e 26 nëntorit. Të arrestuar janë drejtori dhe nëndrejtori i Kavalishencës në Durrës, ku humbi jetën komisari Bajram Hajdarmataj, Ahmet Doda dhe Kujtim Hasa, por edhe Arben Isaku, ish-kreu i ALUIZN-it. 9 persona janë arrestuar në total, ndërkohë që vijon puna për kapjen e 8 të tjerëve. Arrestimet vijnë një javë pas vizitës së kryeprokurorit të ri, Olsian Cela, i cili tha nga Durrësi se në hetime nuk do të kursehet askush.
(a.m/dosja,al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Një aksident i rëndë ka ndodhur pasditen e sotme në aksin Tiranë-Durrës, në afërsi të Maminasit. Mësohet se një automjet ka dalë nga rruga dhe ka p...
Por zoti Myrtaj thotë se, problemi më i madh është aplikimi i Eurokodeve si standard ligjor. Deri tani Eurokodi aplikohet sipas vullnetit të kompanive dhe inxhi...
Tepelenë- Fax News siguron videon nga momenti i ekzekutimit të Artur Breshës, 47 vjeç rreth një javë më parë në një pikë inertesh në By pass-in e Tepelen...
Tiranë– Nga tërmeti i 26 nëntorit, dhjetra familje në Kombinat u detyruan të brakstin banesat e tyre për shkak se ekspertët i shpallën të pabanueshme. Por banor...
POLONI- Gazetari i njohur polak, Stefan Tompson ka vizituar Shqipërinë pas tërmetit tragjik, e ku ka bërë një reportazh kushtuar pikërisht kësaj situatë të vësh...
Dibër-Në Dibër mbetjet spitalore hidhen në rrugë. Siç shihet edhe në videon e mëposhtme e gjithë rruga nacionale nga qyteti i Peshkopisë e deri në Maqell...
DURRES- Prokuroria e Durrësit e ka zgjeruar listën e të pandehurve të përfshirë në hetimet për tërmetin e 26 nëntorit. Burime për Dosja.al bëjnë me dije se mes ...
Tiranë– “The News York Time” ka bërë një shkrim së fundmi për pakten Anti-Shpifje, e cila pritet të kalohet në Kuvend, më 19 dhjetor. Në shkrim theksohet se OSB...
DURRES- Prokuroria e Durrësit ka lëshuar 17 urdhër arreste për përgjegjësit e sigurisë së ndërtesave që u shembën në tërmetin e 26 nëntorit. Burime për Dosja.al...
Konferencë e përbashkët për shtyp mes Policisë dhe Prokurorisë nga Drejtori i Drejtorisë Vendore të Policisë Durrës Lorenc Shehu, Prokurorja e Rrethit Anita Jel...