Aktualitet

Pabesia e shokut të tij i kushtoi jetën/ Historia tronditëse e vdekjes së studentit shqiptar, drejtësia amerikane i jep familjes 75 mln dollarë

21-vjeçari shqiptar vdiq pasi mendonte se kishte marrë "Adderall" (një kombinim i amfetaminës dhe dekstroamfetaminës) për të rritur përqëndrimin e tij në mësime. Por në vend të Adderall-it, i kishin dhënë një stimulues halucinogjen dhe për shkak të reaksionit që droga i shkaktoi në trup, ndërroi jetë.

2 Shtator 2024, 12:25 Nga I.A
Pabesia e shokut të tij i kushtoi jetën/ Historia tronditëse e
Denis Preka

SHBA- Familja shqiptare Preka në SHBA ka gjetur më në fund drejtësi pas 5 vitesh ropatje në dyert e Gjykatave. Mediat amerikanë shkruajnë se një vendim historik është dhënë nga Gjykata e Miçiganit, e cila ka vendosur që të japë shumën prej 75 milionë dollarësh si dëmshpërblim për familjen e të ndjerit Denis Preka.

“Ai ishte i jashtëzakonshëm. I sjellshme. Bujar. Inteligjent. I qeshur”, tha Jamie Thom, babai i Denisit.

21-vjeçari shqiptar vdiq pasi mendonte se kishte marrë "Adderall" (një kombinim i amfetaminës dhe dekstroamfetaminës) për të rritur përqëndrimin e tij në mësime. Por në vend të Adderall-it, i kishin dhënë një stimulues halucinogjen dhe për shkak të reaksionit që droga i shkaktoi në trup, ndërroi jetë.

Sipas dokumenteve të gjykatës, Preka kishte shkuar në shtëpinë e një miku të tij, Paul Wiedmaier në Novi më 19 mars 2019, për të studiuar për një provim që kishin të nesërmen në mëngjes dhe kishte kërkuar që Adderall ta ndihmonte për t'u përqëndruar.

Prekës iu dha nga shoku i ngushtë një ilaç që ai besonte se ishte Adderall, por në të vërtetë ishte MDMA, e njohur ndryshe edhe si Ekstazi. Preka më vonë filloi të vuante efektet anësore dhe në vend që ta ndihmonin, personat e tjerë që ndodheshin me të filluan ta filmonin dhe të postonin video me të në rrjetin social "Snapchat'.

"Ecstasy/MDMA vepron si një stimulues dhe halucinogjen, duke prodhuar një efekt energjik, shtrembërime në kohë dhe perceptim dhe kënaqësi të shtuar të përvojave prekëse,"-kështu e shpjegon drogën DEA amerikane.

Denis Preka ka lindur në Bolzano të Italisë dhe shkoi në SHBA me nënën e tij kur ishte vetëm 1 vjeç. Ai shkoi në shkollën katolike St. Laërence dhe më vonë ndoqi shkollën e mesme në Kolegjin De La Salle. Denis u diplomua me nderime, themeloi klubin Modeli i Kombeve të Bashkuara dhe mori pjesë në futboll, lakros, pistë dhe fushë dhe not. Ai vazhdoi karrierën e tij akademike në Universitetin e Detroit Mercy, duke u diplomuar në Psikologji dhe Biznes.

Më vonë, ai u transferua në shkollën e tij të ëndrrave, Universiteti i Miçiganit. Ai aspironte të ndiqte Shkollën e Biznesit Ross dhe të ndiqte një karrierë në Ligjin e Biznesit. Denisit i pëlqente gjithashtu të udhëtonte dhe themeloi agjencinë e tij të udhëtimeve, Amerigo Travel, teksa merrte pjesë edhe në aktivitete me organizata joqeveritare apo bamirëse.

denis preka

Sondazh

Poll

MË SHUMË