Politike

Dokumentet/ PD: Pas abuzimit me fondet e BE, Frida Krifca dhe bashkëjetuesi i saj ‘lundrojnë’ në pasuri

Sipas Vangjelit, Krifca dhe bashkëjetuesi kanë shtuar pasuritë e tyre gjatë kohës që karriera e ish-ministres lulëzonte.

31 Gusht 2024, 11:53 Nga S.B
Dokumentet/ PD: Pas abuzimit me fondet e BE, Frida Krifca dhe bashkëjetuesi
Genta Vangjeli

TIRANË- Zëdhënësja anti-korrupsion për Partinë Demokratike Genta Vangjeli, ka denoncuar ditën e sotme një rast lidhur me pasurinë e ish-ministres së Bujqësisë Frida Krifca dhe bashkëjetuesit të saj. Sipas Vangjelit, Krifca dhe bashkëjetuesi kanë shtuar pasuritë e tyre gjatë kohës që karriera e ish-ministres lulëzonte.

Më tej Vangjeli dokumenton rastet kur bizneset e bashkëjetuesit të Krifcës rezultojnë përfitues të fondeve publike. Vangjeli thotë se SPAK duhet të hetojë pasuritë e ish-ministres duke vlerësuar shkeljen e ligjit për konfliktin e interesit dhe përfitimin e fondeve publike.

Fjala e plotë:

Ish-ministrja e Bujqësisë, Frida Krifca dhe ish-drejtoresha e AZHBR pas publikimit të skandalit me shpërdorimin e fondeve të BE, nën mbrojtjen e Edi Ramës nuk lihet jashtë rradhëve të administratës shtetërore dhe as nuk dorëzohet para drejtësisë. Krifca dhe bashkëjetuesi kanë shtuar pasuritë e tyre gjatë kohës që karriera e znj.Krifca lulëzonte. Kështu bashkëjetuesi deklaron pranë ILDKPI në 2020 tokë të shtuar arë 3 mijë m2 kundrejt vlerës 10 euro m2, ose total vlera 30 mijë euro, vendndodhja Farkë.

Fitim neto si subjekt tregtar 7.5 milion lekë ndërkohë që nga data e regjistrimit të këtij biznesi privat v.2019 deri tani nuk ekziston asnjë pasqyrë financiare e publikuar pranë QKB. Biznesi tjetër aktiv i rregjistruar në v.2020 me pronar bashkëjetuesin e znj.Krifca, Lucom Projects shpk që ka të përfshirë në objektin e veprimtarisë edhe aktivitet tregtar të lidhur drejtpërdrejt me bujqësinë ndërkohë që bashkëjetuesja Krifca mbante detyrën zyrtare të Drejtorit të Përgjithshëm të AZHBR-së.

Lucom Projects shpk rezulton përfitues i fondeve publike konkretisht: Sipas spending data, Bashkia Tiranë ka paguar këtë subjekt kundrejt vlerës totale 11 milion lek për vetëm 2 projekte kulturore “moving city Tirana 2022 dhe 2023”. Përveç abuzimit me fondet e IPARD, SPAK të hetojë pasuritë e ish-ministres duke vlerësuar shkeljen e ligjit për konfliktin e interesit dhe përfitimin e fondeve publike edhe gjatë kohës së ushtrimit të detyrës shtetërore si ministër i Bujqësisë.

 

genta vangjeli frida krifca

Sondazh

Poll

MË SHUMË