Aktualitet

Mashtruan për të përfituar një "Audi R8", gjykata lë në “arrest shtëpie” Elvis Kosovën, në burg turku

Sipas policisë automjeti ishte marrë me qira në Gjermani dhe shtetasi turk ka bërë kallëzim që ia kanë vjedhur në një hotel në Tiranë.

30 Gusht 2024, 11:03 Nga M.B

 

Mashtruan për të përfituar një "Audi R8", gjykata
Elvis Kosova

TIRANA- Gjykata e Tiranës ka caktuar masën "arrest shtëpie" për Elvis Kosovën dhe ka lënë masën "arrest në burg" për turk Yucehan Er. Bëhet me dije se avokati i Kosovës ka pretenduar që ai është mashtruar nga turku pasi e ka blerë automjetin kundrejt pagesës dhe nuk e dinte që ishte i vjedhur.

Nga ana tjetër turku Yucehan Er., ka kërkuar kohë të japë shpjegime në një moment të dytë. Sipas policisë automjeti ishte marrë me qira në Gjermani dhe shtetasi turk ka bërë kallëzim që ia kanë vjedhur në një hotel në Tiranë, ndërkohë, para policisë ai ka pranuar skemën e mashtrimit dhe ka thënë që do të merrte 5-10 mijë euro.

Sipas të dhënave Elvis Kosova, i njohur në rrjetet sociale për zhvillimin e garave të shpejtësisë, dyshohet se fshihet pas një skeme mashtrimi nga e cila synonte të bënte të tij, pa shpenzuar shumë, një makinë që vlen deri në 200 mijë euro. Për të marrë në dorë ‘Audin R8’, dyshohet se Kosova ka bashkëpunuar m Yucehan Er.  Pasi ia dorëzoi Kosovës, turku bëri kallëzim të rremë se supermakinën ia vodhën në afërsi të një hoteli luksoz në Tiranë.

elvis kosova

Sondazh

Poll

MË SHUMË