Politike

"Është miratuar sot rritja e pagave për punonjësit e pushtetit vendor", Mazniku: Të gjitha pagat do të unifikohen, ja si do të bëhet përllogaritja

Ai tregoi një shembull ku shpjegoi se një jurist apo një arkitekt do të marrë të njëjtën pagë në çdo bashki, pavarësisht madhësisë së saj.

1 Gusht 2024, 10:20 Nga r.ll
"Është miratuar sot rritja e pagave për punonjësit e
arbjan mazniku

TIRANË- Ministri për Pushtetin Vendor, Arbjan Mazniku në prezantimin e vendimeve të qeverisë tha se sot është miratuar rritja e pagave për punonjësit e pushtetit vendor. Mazniku deklaroi se të gjitha pagat e pushtetit vendor do të unifikohen.

Ai tregoi një shembull ku shpjegoi se një jurist apo një arkitekt do të marrë të njëjtën pagë në çdo bashki, pavarësisht madhësisë së saj.

“Sot konkluduam një proces të rëndësishëm, i cili nisi që vitin që shkoi që ka të bëjë me pagat e pushtetit vendor. Është një reformë që merret me ristrukturimin e bashkive dhe stafeve të tyre në tre grupime të mëdhaja. E para një grupim që merret me planifikimin dhe monitorimin e politikave, një grupim që merret me funksionet që bashkia i kryen vetë dhe një grupim që bën ato funksione që bashkitë zgjedhin ti bëjnë vetë apo ti kontraktojnë.

Riklasifikuam nivelet e pagave, duke ndryshuar skemën. Nga një skemë e cila i ndante bashkitë në 5 grupime dhe në varësi të madhësisë së bashkive kishte edhe nivele të ndryshme pagash, në nivele pagash të unifikuar të të gjitha bashkive, pavarësisht madhësisë, duke dhënë mundësinë që një jurist, një arkitekt, ekonomistë etj merr një pagë të ngjashme në të gjitha bashkitë. Elementi tjetër është rritja e pagave të të gjitha bashkive dhe rritja e minimume dhe maksimumeve të reja për të gjitha bashkitë në nivele të unifikuara.”, u shpreh Mazniku.

arbjan mazniku punonjesit e pushtetit vendor

Sondazh

Poll

MË SHUMË