Aktualitet

Mbetën të bllokuar në kanionin e Langaricës për shkak të rreshjeve të dendura të shiut, shpëtohen 7 turistë

Bëhet me dije se të shtatë turistët e shpëtuar, ndodhen në gjendje të mirë shëndetësore.

24 Korrik 2024, 21:11 Nga S.B
Mbetën të bllokuar në kanionin e Langaricës për shkak
pamje nga ngjarja

PËRMET- Shpëtohen 7 turistë nga Gjermania dhe Polonia të cilët kishin mbetur të bllokuar në kanionin e Langaricës. Mësohet se turistët mbetën të bllokuar për shkak të rreshjeve të dendura të shiut dhe rritjes së nivelit të ujit në lumin e Langaricës.

Bëhet me dije se të shtatë turistët e shpëtuar, ndodhen në gjendje të mirë shëndetësore.

Njoftimi i Policisë:

Punonjësit e Policisë ndihmuan 7 turistët nga Polonia dhe Gjermania, që kishin mbetur të bllokuar në kanionin e Langaricës, për shkak të rreshjeve të rrëmbyeshme të shiut.

Në vendin e quajtur “Shpella e Pëllumbave”, 7 turistë të huaj, duke eksploruar me këmbë zonën, kanë mbetur të bllokuar në pjesën e kanionit, për shkak të rritjes së nivelit të ujit në lumin e Langaricës, nga reshjet e shiut.

Menjëherë pas marrjes së njoftimit, shërbimet e Komisariatit të Policisë Përmet në bashkëpunim me shërbimet zjarrfikëse dhe shërbimet e zonave të mbrojtura, u nisën në drejtim të zonës ku kishin mbetur të bllokuar turistët dhe bënë të mundur shpëtimin e tyre.

Të gjithë turistët ndodhen në gjendje të mirë shëndetësore. Ata kanë falënderuar shërbimet e Policisë dhe shërbimet e tjera, për përkushtimin dhe humanizmin e treguar, si dhe për ndihmën e dhënë në kohë rekord.

Policia e Gjirokastrës është e angazhuar maksimalisht në shërbim të qytetarëve dhe të vizitorëve, dhe i fton ata që për çdo rast nevoje për ndihmë, të telefonojnë në numrin pa pagesë 112.

permet turiste

Sondazh

Poll

MË SHUMË