Aktualitet

Nga vënia e zjarrit tek dhuna në familje, procedohen tre persona në Fier

Gjithashtu është proceduar edhe një 23-vjeçare me iniciale R.S pasi ka ushtruar dhunë ndaj djalit të saj të mitur.

22 Korrik 2024, 12:47 Nga E. D
Nga vënia e zjarrit tek dhuna në familje, procedohen tre persona
fotot ilustruese

FIER- Tre persona janë proceduar në Fier. Bëhet me dije se dy autorë u proceduan pasi dyshoheshin për zjarrvënie. Gjithashtu është proceduar edhe një 23-vjeçare me iniciale R.S pasi ka ushtruar dhunë ndaj djalit të saj të mitur.

Njoftimi i policisë:

Identifikohen dhe procedohen penalisht 2 autorë të dyshuar për zjarrvënie. Komisariati i Policisë Mallakastër referoi materialet në Prokurori ku nisi procedimi penal për shtetasin Q. M., banues në fshatin Hekal, pasi dyshohet se ka ndezur zjarr për djegien e mbeturinave, në pronën e tij, dhe nga përhapja e flakëve janë djegur disa pemë arre në pronën e një shtetasi tjetër.

Komisariati i Policisë Fier referoi materialet në Prokurori ku nisi procedimi penal për shtetasin L. L., 62 vjeç, pasi dyshohet se ka ndezur zjarr afër banesës së tij, për të djegur mbeturinat, dhe nga përhapja e flakëve janë djegur 120 pemë ulliri.

Gjithashtu, Komisariati i Policisë Fier referoi materialet në Prokurori ku nisi procedimi penal për shtetasen R. S., 32 vjeçe, banuese në Fier, pasi ka ushtruar dhunë ndaj djalit të saj të mitur. Materialet procedurale i kaluan Prokurorisë, për veprime të mëtejshme.

policia e fierit

Sondazh

Poll