Aktualitet

"U tha diçka para se t'i qëllonte!" Atentati në Memaliaj, autori dyshohet se ishte i veshur me të zeza dhe i pa maskuar

Mësohet se kamerat e sigurisë kanë zbuluar profilin e autorit i cili ekzekutoi me breshëri plumbash babanë e Andrea Kalemit, Shyqyr Kalemin, kamarierin e lokalit, Gledio Muka dhe një klient Marsel Çela si edhe plagosi vëllain e Shyqyri Kalemit, Artur Kalemin.

22 Korrik 2024, 11:58 Nga M.B
"U tha diçka para se t'i qëllonte!" Atentati në
Viktima

MEMALIAJ- Vijojnë të dalin të tjera detaje lidhur me atentatin e së shtunës në Memaliaj. Mësohet se kamerat e sigurisë kanë zbuluar profilin e autorit i cili ekzekutoi me breshëri plumbash babanë e Andrea Kalemit, Shyqyr Kalemin, kamarierin e lokalit, Gledio Muka dhe një klient Marsel Çela si edhe plagosi vëllain e Shyqyri Kalemit, Artur Kalemin.

Bëhet me dije se autori që ka qëlluar ishte i gjatë 1.80 centimetra, rreth 40-vjeç dhe i pa maskuar, i veshur me pantallona të zeza dhe bluzë të zezë, pa mëngë. Gjithashtu dyshohet se në momentin kur ka qëlluar ndaj viktimave, autori është ndalur për pak sekonta dhe dyshohet se u ka thënë diçka para se t’i ekzekutonte. Personi i dytë në timon nuk është identifikuar ende.

Një grup hetimor i posaçëm është ngritur për zbardhjen e ngjarjes dhe mësohet se një nga pistat e hetimit është saga e vrasjeve të nisura në 2022, me ekzekutimin me bombë të Aleksandër Sadikajt dhe pas 6 muajve, vrasjen e Edmond Papës në Selitë, përballë banesës së vëllait. Hakmarrja nuk po gjen paqe edhe pse janë marrë shumë jetë, pa u kursyer edhe të pafajshmit.

 

memaliaj

Sondazh

Poll

MË SHUMË