Art&Argëtim

Miss AI/ Shpallet fituesja e konkursit të bukurisë së inteligjencës artificiale, cila është influencuesja marokene?

Layli, një "aktiviste dhe influencuese" e veshur me shami, ka më shumë se 193,000 ndjekës në Instagram.

12 Korrik 2024, 14:02 Nga S.B
Miss AI/ Shpallet fituesja e konkursit të bukurisë së
Miss AI

SHBA- Janë shpallur për herë të parë, fituesja dhe shoqërueset e kompeticionit Miss AI. Në fillim të këtij viti, World AI Creator Awards prezantoi konkursin e parë në botë të bukurisë së inteligjencës artificiale për modelet e krijuara nga AI, Miss AI.

Secili gjyqtar përdori ekspertizën e tij për të vlerësuar garueset në tre kategori kryesore: realizëm, teknologji dhe ndikim social. Dhe mbretëresha dixhitale është... Kenza Layli nga Maroku, e cila mundi 1,500 vajza të tjera të krijuara nga kompjuteri për të fituar titullin.

Layli, një "aktiviste dhe influencuese" e veshur me shami, ka më shumë se 193,000 ndjekës në Instagram. Biografia e saj thotë se "përmbajtja e saj tërheqëse është e lidhur ngushtë me shoqërinë marokene" dhe se qëllimi i saj "është të kontribuojë në fuqizimin e grave në Marok dhe Lindjen e Mesme.

Krijuesit e saj përdorin një përzierje teknologjish për të gjeneruar imazhe, video dhe audio 100% nga AI, dhe grumbulluan 5,000 dollarë para në dorë.

Layli tha në fjalimin e saj: Jam jashtëzakonisht mirënjohëse për këtë mundësi për të përfaqësuar krijuesit e AI dhe për të mbrojtur me pasion ndikimin pozitiv të Inteligjencës Artificiale. Fitimi i Miss AI më motivon edhe më shumë të vazhdoj punën time në avancimin e teknologjisë AI.

Ajo vazhdoi: AI nuk është vetëm një mjet; është një forcë transformuese që mund të sfidojë industritë, të sfidojë normat dhe të krijojë mundësi aty ku nuk ka ekzistuar më parë.

Nënkampionet e kompeticionit ishin Lalina nga Franca dhe Olivia C nga Portugalia. Lalina është krijuar në Paris dhe ka mbi 95,000 ndjekës në Instagram.

 
 
 
 
 
View this post on Instagram
 
 
 
 
 
 
 
 
 
 
 

A post shared by Kenza Layli • كنزة ليلي (@kenza.layli)

miss ai kenza layli marok

Sondazh

Poll

MË SHUMË