Politike

Protesta e Opozitës/ Reuters: Qytetarët antiqeveritar shqiptarë hodhën bomba molotov te Bashkia dhe Kryeministrua

Reuters shkruan se mijëra mbështetës të opozitës u mblodhën para zyrës së Ramës dhe më pas në zyrën e kryetarit të Bashkisë së Tiranës, i cili është gjithashtu nga Partia Socialiste e Ramës.

12 Korrik 2024, 12:47 Nga I.A

Protesta e Opozitës/ Reuters: Qytetarët antiqeveritar shqiptarë

TIRANË- Protestuesit e opozitës sulmuan ndërtesën e qeverisë së Shqipërisë dhe zyrën e kryetarit të bashkisë me bomba molotov ditën e djeshme, duke akuzuar kryeministrin Edi Rama për korrupsion dhe duke kërkuar dorëheqjen e tij. Reuters shkruan se mijëra mbështetës të opozitës u mblodhën para zyrës së Ramës dhe më pas në zyrën e kryetarit të Bashkisë së Tiranës, i cili është gjithashtu nga Partia Socialiste e Ramës.

Policia nuk ka ndërhyrë por ka shuar zjarret nga bombat molotov ​​të cilat rrezikuan disa efektivë. Protestuesit kërkuan gjithashtu lirimin e liderit të opozitës Sali Berisha, i cili është mbajtur në arrest shtëpiak dhe i hetuar për korrupsion të dyshuar gjatë kohës që ka shërbyer si kryeministër midis viteve 2005-2013. Berisha ka mohuar keqbërjen, duke akuzuar Ramën për një hakmarrje politike që synon të mbyllë gojën e kundërshtarëve. Rama nuk bëri asnjë koment, por e ka mohuar vazhdimisht këtë akuzë. Prokurorët nuk kanë vendosur ende nëse do të ngrenë akuza zyrtare kundër Berishës.

“Shqipëria është i vetmi vend në Europë me liderin e saj të opozitës në arrest politik pa asnjë fakt, provë apo dokument. Edi Rama do një Shqipëri pa shqiptarë, pa opozitë dhe pa drejtësi,” tha Berisha përmes një video-lidhjeje nga arresti shtëpiak.

Berisha u ka bërë thirrje mbështetësve që të përfshihen në mosbindje civile për të detyruar qeverinë të mbajë zgjedhje të parakohshme. Rama ka mbajtur pushtetin që nga viti 2013 dhe që atëherë ka fituar të gjitha zgjedhjet parlamentare dhe vendore.

protesta e opozites

Sondazh

Poll

MË SHUMË