Sport

VIDEO/ Skenat të dhunshme në gjysmëfinale të Copa America, lojtarët uruguajanë përleshen me tifozët kolumbianë

Pamjet nga transmetuesi zyrtar treguan se disa lojtarë uruguajanë hynë në tribuna dhe u përfshinë në një përleshje fizike me disa tifozë kolumbianë.

11 Korrik 2024, 11:00 Nga DOSJA
VIDEO/ Skenat të dhunshme në gjysmëfinale të Copa America,

SHBA - Darwin Nunez dhe rreth një duzinë bashkëlojtarë të Uruguajit shkuan në tribuna, ndërsa tifozët po grindeshin në stadiumin Bank of America, pas humbjes 1-0 ndaj  Kolumbisë në gjysmëfinale të Copa America në mëngjesin e sotëm.

Pas një ndeshjeje fizike dhe kontestuese, përleshja shpërtheu pas stolit të Uruguajit, pas fishkëllimës së fundit të gjyqtarit meksikan, Cesar Ramos.

Turma prej 70.644 ku ishte rreth 90% në favor të Kolumbisë, por një pjesë e vogël e tifozëve të Uruguajit u grindën me mbështetësit e Kolumbisë. Nunez dhe shokët e skuadrës, më pas u ngjitën në tribune, ku u përfshinë edhe në përleshje. Një video tregonte Nunez duke goditur një tifoz me ngjyrat e ekipit kolumbian.

Kapiteni i Uruguajit, Jose Gimenez tha se lojtarët hynë në turmë për të mbrojtur familjet e tyre. “Kjo është një fatkeqësi. Familja jonë ishte në rrezik. Na u desh të futeshim në tribuna për të nxjerrë të dashurit tanë me foshnja të vogla, të porsalindur,”- tha ai për TUDN. “Gjithçka ishte një fatkeqësi. Nuk kishte asnjë oficer policie.”

U deshën më shumë se 10 minuta që policia të mbërrinte në vendngjarje dhe të rivendoste rendin. Rreth 100 tifozë uruguajanë dhe anëtarë të stafit të federatës mbetën në fushë për mbrojtjen e tyre për më shumë se 20 minuta pas ndeshjes, ndërsa tifozët e Kolumbisë u larguan për të festuar.

CONMEBOL lëshoi ​​një deklaratë pas lojës, duke thënë se dënon fuqishëm çdo akt dhune që ndikon në lojë. “Puna jonë bazohet në bindjen se futbolli na lidh dhe na bashkon përmes vlerave të tij pozitive,”- tha organizata. “Nuk ka vend për intolerancë dhe dhunë brenda dhe jashtë fushës. I ftojmë të gjithë në ditët e mbetura të derdhin të gjithë pasionin e tyre për të brohoritur ekipet e tyre kombëtare dhe për të bërë një festë të paharrueshme.”

B.T (Dosja.al)

Sondazh

Poll

MË SHUMË