Politike

VIDEO/ Hoteli i drejtorëve të "5D" i sekuestruar nga SPAK vazhdon punën, gazetarja rezervon live në emision dhomat

Panelisti, Violdi Danaj, ka telefonuar recepsionin e hotelit Faces&Plases dhe ka mundur të rezervojë edhe pse ky hotel sot është sekuestruar sipas njoftimit zyrtar të SPAK.

9 Korrik 2024, 19:12 Nga r.ll
VIDEO/ Hoteli i drejtorëve të "5D" i sekuestruar nga SPAK
drejtoret e arrestuar

TIRANË- SPAK ka vendosur masën e sekuestros preventive për kompaninë “5D Konstruksion” që dyshohet se ka përfituar tendera abuzivë dhe disa nga pronat e drejtorëve bashkisë së Tiranës, të cilët janë arrestuar lidhur me aferën "5D".

Një telefonatë e bërë nga studio e TASK FORCE në SYRI TV me moderatoren Sonila Meço ka faktuar se hoteli Faces&Places në pronësi të drejtorëve të kompanisë 5D, i sekuestruar ditën e sotme nga SPAK, vijon punën normalisht.

Panelisti, Violdi Danaj, ka telefonuar recepsionin e hotelit Faces&Plases dhe ka mundur të rezervojë edhe pse ky hotel sot është sekuestruar sipas njoftimit zyrtar të SPAK.

Biseda me studio dhe në telefon: 

Meço: Kush do më ndihmojë të bëjë një telefonatë. Më ka ardhur një denoncim nga një koleg gazetar... Bjeri pak këtij numri të lutem. Mund të bësh një telefonatë Violdi?

Recepsionistja e Hotel Faces&Places: Alo përshëndetje?

Violdi Danaj: Përshëndetje si kaloni?

Recepsionistja e Hotel Faces&Places: Me se mund t’ju ndihmojë?

Violdi Danaj: Jam i interesuar për një dhomë për dy persona nga data 1 gusht.

Recepsionistja e Hotel Faces&Places: Një dhomë për dy person, sa netë?

Violdi Danaj: Dy netë

Recepsionistja e Hotel Faces&Places: Dhoma kushton 100 euro nata dhe në total 200 euro është i pëfshirë edhe mëngjesi.

Violdi Danaj: Më fal se numrin e mora në... dhe nuk më kujtohet emri i hotelit, si e kishte?

Recepsionistja e Hotel Face&Place: Faces&Places

Violdi Danaj: Ok në rregull, do kalojë një person që të bëjë pagesën

Recepsionistja e Hotel Faces&Places: Mund ta bëni pagesën në check-in por të lutem të kontakojë unë për të marrë të dhënat që të mbaj rezervimin..

Violdi Danaj: Do u kontaktoj unë...

Meço: Mua më kontaktojë një gazetar shumë i njohur dhe më tha që unë tentova të bëj një pronotim në hotelin që është Faces&Places që është?

Këlliçi: Duhet të jetë hoteli që është sekuestruar sot nga SPAK që është në pronësi të Redi Mollës. Njoftojmë SPAK se ai hotel Faces&Palces i drejtorëve të 5D vijon punën normal...Prokurorëve të SPAK mund t’i rezervojmë ndonjë mbrëmje që të shkojnë vetë dhe ta shohin me sytë e tyre.

spak kompania 5d

Sondazh

Poll

MË SHUMË