Politike

Protesta e 11 Korrikut/ "Bëni gjithçka", Berisha porosi strukturave të PD: Duhet të jetë me çdo kusht protesta më e madhe! 

Berisha tha se me 11 korrik demokratët duhet të dëshmojnë se janë shumica politike në vend.

8 Korrik 2024, 10:36 Nga M.B
Protesta e 11 Korrikut/ "Bëni gjithçka", Berisha porosi
Sali Berisha

TIRANA- Kryetari i PD Sali Berisha,  është drejtuar sot strukturave të partisë në lidhje me protestën e 11 korrikut. Berisha, në një porosi të dërguar Drejtuesve dhe të zgjedhurve të të gjitha niveleve dhe të gjithë anëtarëve dhe mbështetësve të Partisë Demokratike, tha se 11 korriku duhet të jetë protesta më e madhe që ka njohur ndonjëherë kryeqyteti.

Ai ka shtuar se duhet bërë gjithçka është e mundur që për mobilizimin e çdo anëtari e simpatizanti të PD. Berisha tha se me 11 korrik demokratët duhet të dëshmojnë se janë shumica politike në vend.

Mesazhi i plotë:

Pëshëndetje!
Tre ditët e ardhshme janë vendimtare per suksesin e protestës te 11 korrikut, e cila ka një rëndësi të jashtëzakonshme për opozitën. Ajo duhet me çdo kusht të jetë protesta më e madhe dhe më e fuqishme që ka njohur Tirana deri sot!

Ndaj është jetike që në këtë hark të shkurtër kohor të bëni gjithçka për mobilizimin më të paparë, për të garantuar pjesëmarrjen e çdo anëtari dhe antareje, mbështetësi dhe mbështetëse të PD në protestën e 11 korrikut.

Me 11 korrik, ne demokratet dhe demokratët edhe mbështetësit tanë duhet të dëshmojmë para shqiptarëve dhe botës se ne jemi shumica politike e vendit, e gatshme për çdo betejë, për çdo fitore!
O sot o kurrë!
Me 11 korrik të gjithë në Tiranë! Fitore!

 

sali berisha

Sondazh

Poll

MË SHUMË