Sport

Merih Demiral dënohet me dy ndeshje…E gjithë Turqia në këmbë: “Vendimi i UEFA-s është i papranueshëm, duhet korrigjuar”

Merih Demiral, qendërmbrojtësi i Turqisë në Euro, u pezullua për dy ndeshje pas një festë politike në lidhje me "Ujqërit gri", një grup ultra i djathtë. Zv.presidenti turk denoncon sanksionin “i cili duhet korrigjuar”.

5 Korrik 2024, 15:21 Nga DOSJA
Merih Demiral dënohet me dy ndeshje…E gjithë Turqia në

GJERMANI - Kjo është afera politiko-sportive e kësaj pjese të dytë të Euros. Merih Demiral u  pezullua me dy ndeshje nga UEFA, pas një feste shumë politike. Pas një prej dy golave ​​të tij në fitoren ndaj Austrisë (2-1) në 1/16-të, mbrojtësi turk bëri gjestin e tubimit ndaj “Ujqërve Gri”, një grup i ekstremit të djathtë turk.

Këtë të premte zv.presidenti i Turqisë, Cevdet Ylmaz, e denoncoi këtë vendim në X si një sanksion politik dhe joproporcional: “Vendimi i UEFA-s (...) është i papranueshëm. Shpresojmë që ky vendim të korrigjohet (...). Entuziazmi dhe bukuria e futbollit nuk duhet të errësohen nga vendimet politike”.

Pak më vonë gjatë ditës, edhe ministri i Sportit, Osman Askin Bak, ka postuar një mesazh për këtë: “Dënojmë vendimin e padrejtë dhe të njëanshëm të UEFA-s, i cili nuk ka bazë ligjore dhe që e konsiderojmë thjesht politik”.

Në këtë kuadër, presidenti turk Rexhep Tajip Erdoan njoftoi se do të jetë i pranishëm në Olimpiastadion në Berlin për të parë çerekfinalen e kombëtares turke kundër Holandës të dielën (21:00).

B.T (Dosja.al)

Sondazh

Poll

MË SHUMË