Aktualitet

Arrestohen në Vlorë dy të shpallur në kërkim për trafik droge, një prej tyre i dënuar me 1.7 vjet burg (EMRAT)

32-vjeçarit tjetër të arrestuar i kishte caktuar Gjykata e Vlorës, masën e sigurisë “Arrest në burg”, për veprën penale “Prodhimi dhe shitja e narkotikëve”.

5 Korrik 2024, 13:33 Nga r.ll
Arrestohen në Vlorë dy të shpallur në kërkim për
dy te arrestuarit

VLORË- Dy persona të shpallur në kërkim për trafik të lëndëve narkotike janë arrestuar ditën e sotme në qytetin e Vlorës. 

Letjano Beluli, 46 vjeç, banues në Vlorë, ishte shpallur në kërkim pasi Gjykata e Elbasanit, me 16.05.2019, e ka dënuar me 1 vit e 7 muaj burgim, për veprën penale “Prodhimi dhe shitja e narkotikëve”.

32-vjeçarit tjetër të arrestuar i kishte caktuar Gjykata e Vlorës, masën e sigurisë “Arrest në burg”, për veprën penale “Prodhimi dhe shitja e narkotikëve”.

NJOFTIMI I POLICISË: 

Vlorë/Vijon me intensitet zbatimi i masave të përcaktuara në planin operacional mbarëkombëtar "Sundimi i ligjit".

Kapen në qytetin e Vlorës dhe vihen në pranga 2 shtetas të shpallur në kërkim, njëri i dënuar me 1 vit e 7 muaj burgim, për prodhim dhe shitje të narkotikëve, tjetri i akuzuar për të njëjtën vepër penale.

Sektori për Hetimin e Narkotikëve, në bashkëpunim me Forcën e Posaçme Operacionale dhe Forcën e Posaçme “Shqiponja”, të DVP Vlorë, në vijim të operacioneve për kapjen e shtetasve të shpallur në kërkim, të cilat zhvillohen në kuadër të megaoperacionit “Sundimi i ligjit”, organizuan dhe finalizuan operacionin e koduar “City”, si rezultat i të cilit u kapën në qytetin e Vlorës, shtetasit e shpallur në kërkim kombëtar:

- Letjano Beluli, 46 vjeç, banues në Vlorë, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Elbasan, me vendimin e datës 16.05.2019, e ka dënuar me 1 vit e 7 muaj burgim, për veprën penale “Prodhimi dhe shitja e narkotikëve”. Veprimet e tjera procedurale do të kryhen nga DVP Elbasan;

- J. I., 32 vjeç, banues në Vlorë, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Vlorë, me vendimin e datës 12.12.2023, i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”.

Materialet procedurale i kaluan Prokurorisë, për veprime të mëtejshme.

letjano beluli policia e vlores

Sondazh

Poll

MË SHUMË