Politike

Homazhet për gjeniun e letërsisë shqipe Ismail Kadarenë, Berisha “merr pjesë” në ceremoninë në TKOB: Theu normat dhe tabutë ideologjike të socrealizmi

3 Korrik 2024, 18:06 Nga M.B
Homazhet për gjeniun e letërsisë shqipe Ismail Kadarenë,
Luçiano Boçi

TIRANA- Kreu i Partisë Demokratike, Sali Berisha ka “marrë pjesë” në një farë mënyre në homazhet e zhvilluara në TKOB në nder të gjeniut të letrave shqipe, Ismail Kadare, i cili u nda nga jeta ditën e djeshme.

Përmes nënkryetarit të PD Luçiano Boçi dhe deputetes Albana Vokshi, Berisha ka dërguar një kurorë me lule si edhe ka shprehur mesazhin e lamtumirës për Kadarenë.

N/Kryetari Boçi në “Librin e Kujtimeve” shkruan:

“Në emër të Kryetarit të Partisë Demokratike Sali Berisha shprehim pikëllimin e madh për humbjen e gjeniut, figurës së ndritur, i cili me veprën e tij tejshkoi kohën, theu normat dhe tabutë ideologjike të socrealizmit dhe i dha letërsisë shqiptare dhe shpirtit shqiptar përmasë botërore! I paharruar do të mbetet Kadare dhe vepra e tij do ndikojë në shekuj shpirtin dhe krenarinë tonë”.

ismail kadare

Sondazh

Poll

MË SHUMË