Politike

Berisha: Në 11 korrik të gjithë bashkë për të mposhtur narkoshtetin dhe për të krijuar qeverinë teknike

Berisha tha se shqiptarët kanë nevojë të mësojnë të vërtetat, ndaj edhe në 11 korrik duhen të bëhen bashkë për të mposhtur Edi Ramën, të cilin e cilësoi një pushtues të egër.

30 Qershor 2024, 21:26 Nga r.ll
Berisha: Në 11 korrik të gjithë bashkë për të
sali berisha

TIRANË- Kryetari i Partisë Demokratike, Sali Berisha në mbyllje të fjalimit të tij të mbrëmjes së sotme bëri thirrje për pjesmarrje në protestën e 11 korrikut. 

Berisha tha se shqiptarët kanë nevojë të mësojnë të vërtetat, ndaj edhe në 11 korrik duhen të bëhen bashkë për të mposhtur Edi Ramën, të cilin e cilësoi një pushtues të egër. Ai tha se pjesmarrja në protestë duhet për të krijuar qeverinë teknike dhe për zgjedhje të lira e të ndershme. 

PJESË NGA FJALA E BERISHËS:

Të vërtetat dhembin. Edhe njëherë ju kujtoj një fjalë të Mark Tuin. Thotë se; kur thua të vërtetën duhet të harrosh çdo gjë. Dhe kjo është rruga që ndjekim dhe do të ndjekim ne.

Ne do të ju themi shqiptarëve çdo të  vërtetë, sepse ata sot si asnjë komb tjetër, janë një komb pa drejtësi. Se ata sot si asnjë komb tjetër në planet janë një komb që po treten si bora para rrezeve të diellit, po zhduken. Se ata sot janë një komb me fëmijë të uritur më shumë se vendet që dolën nga lufta, Ruanda e të tjerë.

Shqipëria pra dhe shqiptarët kanë nevojë të mësojnë të vërtetat, po aq sa kanë nevojë për ajrin, dhe ushqimin për të mbajtur gjallë jetën e tyre. Ndaj dhe me 11 korrik shqiptarë dhe shqiptare kudo që jeni, në Shqipëri, emigracion, diasporë, të bashkohemi në sheshin Skënderbej, të na frymëzojë heroi ynë i përjashtëm për të mposhtur pushtuesin e egër që e ka emrin Edi Rama.

Për të mposhtur narkoshtetin dhe nomenklaturën e tij, për të krijuar qeverinë teknike. Zgjedhje të lira, zgjedhje të ndershme, fitore të opozitës. Shtet ligjore, liri dhe të drejta të njeriut. Drejtësi të vërtetë të pavarur. Integrim europian. Këta janë parimet e shpallura për të cilat ne do të bëjmë gjithçka ti kthejmë në realitet, që ditën e parë të rikthimit të demokracisë në Shqipëri. Rrofshi ju, rroftë Shqipëria. Fitore, fitore, fitore!

sali berisha

Sondazh

Poll