Politike

"Kush i ka njerëzit në burg, ju apo ne?!" Sula-Nikollës: Na ndërprisni rrogën e mandatin, por jo fjalën

Ai theksoi se opozitës nuk mund t’i hiqet e drejta e fjalës dhe se në burg janë njerëz të maxhorancës, dhe jo të opozitës.

27 Qershor 2024, 11:43 Nga M.B
"Kush i ka njerëzit në burg, ju apo ne?!"
Dashnor Sula

TIRANA- Deputeti i Partisë Demokratike, Dashnor Sula ka ironizuar në lidhje me skandalin në spitalin Onkologjik. Ai theksoi se opozitës nuk mund t’i hiqet e drejta e fjalës dhe se në burg janë njerëz të maxhorancës, dhe jo të opozitës.

“Na ndërprisni rrogën, mandatin, por jo të na prisni fjalën. E ke bërë modë kryetare. Po të jetë fjala për procedurë, duhet të respektohet. Po institucionet e tjera të Shqipërisë, qeverisë, a kanë një procedurë? Kush është procedura?

Është parandalimi, i abuzimit, i vjedhjes, i korrupsionit. Më gjeni një rast kur është bërë një parandalim. Ma gjeni një rast të vetëm?! Sa për drejtësinë që flitet këtu, kush i ka në burg njerëzit, kunetërish, baxhanakët, apo të afërmit, juve apo ne”, tha Sula.

"Ça fjalimi është ky", tha Nikolla.

"Pse s’ju pëlqen juve? Meqë drejtësinë që ka ca burra të mirë andej, që kanë qenë dhe prokurorë, ju thoni se ne s’e duam drejtësinë, por në burg i keni ju, jo neve", u përgjigj Sula.

kuvendi

Sondazh

Poll

MË SHUMË