Politike

Takimi i kryesisë së PD-së, Berisha: Mblidhemi me moton e bashkimit të demokratëve rreth flamurit të partisë së tyre

Berisha iu drejtua të gjithë anëtarëve të kryesisë së PD-së, të mirëpresin të gjithë ato demokratë që rikthehen dhe duan të bashkohen me ta. 

24 Qershor 2024, 18:28 Nga r.ll
Takimi i kryesisë së PD-së, Berisha: Mblidhemi me moton e
sali berisha

TIRANË- Kreu i Partisë Demokratike, Sali Berisha ka marrë pjesë përmes një lidhje me videon në mbledhjen e Kryesisë së PD-së. 

Berisha tha gjatë fjalë së tij se kryesia sot mblidhet me moton më kryesore të bashkimit të të gjithë demokratëve rreth flamurit të partisë së tyre. 

Berisha iu drejtua të gjithë anëtarëve të kryesisë së PD-së, duke iu bërë thirrje të mirëpresin të gjithë ato demokratë që rikthehen dhe duan të bashkohen me ta. 

PJESË NGA FJALA E BERISHËS:

Mirëdita dhe përshëndetje, përshëndes anëtaret dhe anëtarët e PD, drejtuesit e saj. E konsideroj këtë mbledhje shumë të rëndësishme, në një moment të veçantë të PD, në një moment kur një kalvar i vërtetë, i imponuar në mënyrë antikushtetuese, antiligjore nga Edi Rama dhe regjimi i tij merr fund.

Kryesia mblidhet sot me moton më kryesore të bashkimit të të gjithë demokratëve rreth flamurit të partisë së tyre. Dmth rreth idealeve, rreth kontributeve dhe mendoj se mesazhi më kryesor që përcjell kjo mbledhje sot është, mirëpritja e të gjithë aty të cilët ndër vite dhanë kontributet të pamohueshme në këtë parti dhe që për një arsye apo një tjetër, për një arsyetim, apo një tjetër, kanë hezituar të bashkohen me shumicën duke përdorur, ose duke patur si shkak çështjen e logos, flamurit të cilat si një padrejtësi e madhe, morën fund këto ditë.

Ndaj dhe unë siç e kam bërë në mënyrë të përsëritur, e bëj përsëri thirrjen për të gjithë demokratët që besojnë në idealet që kanë mbrojtur në kontributin që kanë dhënë, të bashkohemi dhe të vazhdojmë betejën tonë. Theksoj këtu ky nuk është një bashkim në festë, por një bashkim në betejë. Në betejë të një rëndësie jetike, vendimtare për fatin e Shqipërisë dhe kombit shqiptar.

Duke theksuar këtë unë ju drejtohem ju, anëtarëve dhe anëtareve të kryesisë së PD, është në detyrën tuaj më të parë sikundër të të gjithë strukturave të partisë sonë, të bëjmë gjithçka për të mirëpritur në shtëpinë e tyre, të gjithë ata demokrate dhe demokratë që e ndjejnë veten të tillë, dhe duan të bashkohen me ne.

sali berisha mblidhet kryesia e pd

Sondazh

Poll

MË SHUMË