Sport

Zlatko Dalic, optimist për kualifikimin: “Jemi gati për të mundur Italinë”...

Ndaj Italisë do të duhet të bëjmë gjithçka që të mos pësojmë golin e parë. Siç ndodhi në dy ndeshjet tona të para në këtë Euro.

24 Qershor 2024, 09:30 Nga DOSJA
Zlatko Dalic, optimist për kualifikimin: “Jemi gati për të

GJERMANI - Zlatko Dalic, trajneri i Kroacisë, që ka vetëm një pikë pas dy ditësh, ruan besimin e palëkundur te lojtarët e tij, në prag të një ndeshjeje kundër Italisë, që skuadra e tij duhet të fitojë, nëse dëshiron të kualifikohet në fazën e 16-të.

Çfarë gjendjeje mendore e gjeni veten në njëzet e katër orë përpara se të luani për mbijetesën tuaj në këtë Euro?
Do të jetë një ndeshje e vështirë, por të gjithë jemi në formë të mirë dhe gati për të mundur Italinë. Përveç Domagoj Vidës, i cili nuk do të mund të luajë (është goditur në kyçin e këmbës në stërvitje). E dimë situatën: nëse nuk mposhtim Italinë, është eliminim në fund të kësaj ndeshjeje, pa zgjatje të mundshme. Prandaj duhet të marrim tre pikë për të vazhduar në këtë Euro. Nuk duam të shkojmë në shtëpi kaq shpejt. Do të jetë një ndeshje historike.

A ndani mendimin e trajnerit të Italisë, Luciano Spalletti, i cili tha se do të jetë një ndeshje taktike?
Fillimisht e përgëzoj për rezultatet e tij dhe për të gjithë trofetë e fituar, përfshirë titullin e kampionit të Italisë me Napolin (në vitin 2023). Po, ne e dimë që Italia është një ekip taktik dhe se pika e fortë e saj është mbrojtja. Italisë i duhet vetëm një pikë. Do të përpiqemi të mos i nënshtrohemi lojës së saj. Do të duhet të jemi të durueshëm, të qetë dhe të mos biem në grackën e provokimeve. Kjo nuk është fytyra e vërtetë e Italisë që pamë kundër Spanjës (0-1, 20 qershor). Pres një formacion fillestar pak a shumë të ngjashëm. Por ajo që më intereson është ekipi im.

Duke folur për këtë, çfarë ka ndryshuar mes Kroacisë së sotme dhe asaj të Kupës së Botës 2022?
Në Katar kemi pësuar vetëm një gol, në fund të tri ndeshjeve në fazën e grupeve (Kroacia ishte në atë të Marokut, Belgjikës dhe Kanadasë). Ivan Perisic ishte në formë të shkëlqyer. Në Gjermani lojtarët janë dy vjet më të mëdhenj, luajmë kundër kundërshtarëve shumë të fortë dhe problemi është se pranojmë shumë gola lehtësisht. Ndaj Italisë do të duhet të bëjmë gjithçka që të mos pësojmë golin e parë. Siç ndodhi në dy ndeshjet tona të para në këtë Euro.

A ndjeni shumë presion?
Po, sepse duhet ta kalojmë këtë fazë në grup, për tifozët që do të vijnë të na mbështesin në Leipzig dhe për vendin. Ne presim një skuadër italiane agresive, por besoj te lojtarët e mi, në aftësinë e tyre për të luajtur lojën tonë, për të luajtur mirë këto lloj ndeshjesh dhe për t'u rikthyer te objektivi ynë parësor: të kalojmë këtë faze të grupeve. Kemi vite që luajmë ndeshje historike. Sepse për ne çdo ndeshje është historike”.

B.T (Dosja.al)

Sondazh

Poll

MË SHUMË