Sport

Icardi njofton: “Do qëndroj te Galatasaray edhe një sezon tjetër, pastaj të shohim”

“Nuk doja të shkoja në Turqi, por Wanda më tha: "Hajde, hajde, do të jetë mirë për ty dhe për karrierën tënde, për gjithçka, dhe jam i bindur”.

21 Qershor 2024, 18:01 Nga DOSJA
Icardi njofton: “Do qëndroj te Galatasaray edhe një sezon

TURQI - Në një intervistë dhënë për 'Olga en Vivo', një transmetim argjentinas, Mauro Icardi tregon se si erdhi zgjedhja për t'u transferuar te Galatasaray:

"Nuk kisha ndërmend të vija te Galatasaray. Ishte diçka që nuk e prisnim, sepse shkuam nga Milano në Paris dhe ne kaluam shumë mirë në Paris. Nuk doja të shkoja në Turqi, por Wanda më tha: "Hajde, hajde, do të jetë mirë për ty dhe për karrierën tënde, për gjithçka, dhe jam i bindur”.

Ish-lojtari i Interit dhe Paris Saint-Germain është sërish në qendër të disa thashethemeve për transferime, siç ndodh praktikisht çdo verë, ose më saktë në çdo hapje të re të seancës së negociatave.

Por Icardi ka ide të qarta për të ardhmen e tij, të paktën atë të menjëhershme: “Unë do të qëndroj te Galatasaray edhe sezonin e ardhshëm, do të shohim më vonë, por tani për tani do të qëndroj te Galatasaray”.

Maurito u ndal edhe në rivalitetin mes Galatasaray-t dhe Fenerbahçes: "Rivaliteti Galatasaray-Fenerbahçe është i pabesueshëm. Kjo është një nga gjërat që më befason. Ka një histori të gjatë rivaliteti. Shumë gjëra kanë ndodhur. Nuk mendoja se kishte një rivalitet si i yni, i argjentinasve, po kështu është edhe në Evropë, për më tepër, rivaliteti mes tyre është i çmendur”.

B.T (Dosja.al)

Sondazh

Poll

MË SHUMË