Sport

Portieri holandez Bart Verbruggen nuk i bën 'përshtypje' mungesa e Kylian Mbappe...

Portieri holandez Bart Verbruggen vlerësoi potencialin sulmues të bluve të martën, ndërsa u shpreh se nuk do ta trajtonte ndryshe ndeshjen edhe në mungesë të Kylian Mbappe, i aksidentuar nga një hundë e thyer.

18 Qershor 2024, 18:41 Nga DOSJA
Portieri holandez Bart Verbruggen nuk i bën 'përshtypje'

GJERMANI - Thyerja e hundës së Kylian Mbappé, e shkaktuar të hënën gjatë fitores ndaj Austrisë  (1-0), dhe mungesa e tij e mundshme në ndeshjen e dytë të bluve është një lajm i mirë për portierin e Holandës, Bart Verbruggen.

Ndërsa skuadra e tij duhet të përballet me blutë të premten në mbrëmje në Leipzig (21:00), ai që u konfirmua së fundmi si titullar i padiskutueshëm në portën e ‘Portokallinjve’ shpjegoi se ai ishte po aq i kujdesshëm edhe ndaj pjesës tjetër të skuadrës: “Ata kanë shumë sulmues të tjerë të mirë dhe është një ekip shumë i mirë. Por ne nuk kemi frikë nga askush, kështu që nëse ai është atje apo jo, për mua nuk ka dallim”.

Verbruggen, i cili pësoi dy gola nga Mbappé, gjatë ndeshjes kualifikuese të fituar nga Franca në Amsterdam në tetor 2023 (1-2), foli gjithashtu për çështjen e goditjeve të këndit, në të cilat Holanda pëson gola, duke marrë si shembull ndeshjen hapëse kundër Polonisë (2-1). 

“Ne kishim shumë kohë për ta diskutuar këtë në hotel, por nuk është diçka aq serioze, pasi ne u mbrojtëm mire në shumë goditje këndi të tjera,- u shpreh ai. - Ndoshta kjo është një pikë në të cilën njerëzit e Didier Deschamps mund të këmbëngulin për t'i dhënë vetes çdo mundësi për të fituar të premten dhe ndoshta për të siguruar kualifikimin e tyre në raundin e 16-të”.

B.T (Dosja.al)

Sondazh

Poll