Sport

Sylvinho për Kroacinë: “Ne jemi të kënaqur që marrim pjesë këtu, nga kundërshtarët le të mësojmë se janë një nivel shumë i lartë!”

“Patjetër që ne do të përpiqemi të rrisim nivelin tonë dhe smund të themi që jemi me kundërshtarë me nivel të barabartë. Pavarësisht të gjtihave ne bëm një paraqitje të mirë, nuk u dorëzuam dhe në fund patëm shanse të barazonim. “

18 Qershor 2024, 17:57 Nga DOSJA
Sylvinho për Kroacinë: “Ne jemi të kënaqur që

GJERMANI - Kombëtarja shqiptare ka mbërritur në Hamburg ku do të zhvillojë ndeshjen e dytë të grupit në finalet e Kampionatit Europian, “Gjermani 2024”. Në konferencën për shtyp përpara ndeshjes, trajneri brazilian Sylvinho doli së bashku me kapitenin Berat Gjimshiti. Trajneri brazilian deklaroi:

Gjërat në Europian dhe në këtë nivel janë shumë të vështira patjetër, por padyshim edhe të bukura dhe ne jemi shumë të gëzuar që marrim pjesë. Ne duhet të mësojmë nga këta kundërshtarë, takimet janë vetëm 90 minutëshe dhe nuk ka asnjë mundësi tjetër, në futboll ndodh gjithçka dhe ne do të bëjmë më të mirën që mundemi.

“Ne nuk arritëm ta sulmonim Italinë sepse ata nuk na lejuan, kishin katër ose pesë mbrojtësa që ktheheshin gjithmonë. Ata janë një skuadër me cilësi shumë të lartë, sidomos Jorginho apo Barrela. Kemi të bëjmë me lojtarë të nivelit shumë të lartë që kanë fituar Europiane apo Champions League.

Pa tjetër që ne do të përpiqemi të rrisim nivelin tonë dhe s'mund të themi që jemi me kundërshtarët në nivel të barabartë. Pavarësisht të gjithave ne bëmë një paraqitje të mirë, nuk u dorëzuam dhe në fund patëm shanse të barazonim.

Lojtarët e kombëtares së Kroacisë kanë patur një karrierë shumë të mirë, sidomos ata të mesit të fushës, por jo vetëm ata.

B.T (Dosja.al)

Sondazh

Poll

MË SHUMË