Bota

Mospërputhje me agjendën e paracaktuar, Vjosa Osmani nuk do të takohet sot me emisarin e BE-së për dialogun, Miroslav Lajçak

Gjithashtu Lajçak gjatë ditës do të pritet në takim nga zëvendëskryeministri, njëherësh kryenegociatori i Kosovës për dialog, Besnik Bislimi.

18 Qershor 2024, 17:55 Nga E. D
Mospërputhje me agjendën e paracaktuar, Vjosa Osmani nuk do të
Miroslav Lajçak dhe Vjosa osmani

KOSOVË- Presidentja e Kosovës, Vjosa Osmani, nuk do të takohet sot me emisarin e BE-së për dialogun, Miroslav Lajçak, për shkak të mospërputhjes së agjendës të paracaktuar. Kushtu ka bërë të ditur këshilltari për media i presidentes, Bekim Kupina.

“Presidentja Osmani nuk ka takim me z.Lajçak, shkaku i mospërputhjes me agjendën e paracaktuar të Presidentes”, tha ai.

Gjithashtu Lajçak gjatë ditës do të pritet në takim nga zëvendëskryeministri, njëherësh kryenegociatori i Kosovës për dialog, Besnik Bislimi. Lajçak viziton Kosovën një ditë pas një takimi në Athinë me kryeministrin e Serbisë, Millosh Vuçeviq. Pas takimit me zyrtarin serb, Lajçak ka thënë në platformën "X" se me Vuçeviq ka biseduar për situatën e dialogut me Kosovën dhe për marrëdhëniet BE-Serbi. L

ajçak do të duhej të niste mandatin e si ambasador në Zvicër prej 1 shtatorit të këtij viti, por diçka e tillë nuk do të ndodhë derisa të emërohet një zyrtar i ri në pozitën që ai aktualisht mban. Vizita e Lajçakut në Kosovë, është vazhdimësi e përpjekjeve të tij për të ndihmuar në gjetjen e një zgjidhjeje të qëndrueshme për marrëdhëniet ndërmjet Kosovës dhe Serbisë, në përputhje me vlerat dhe standardet evropiane.

miroslav lajçak vjosa osmani

Sondazh

Poll

MË SHUMË