Bota

Joe Biden i vjen në ndihmë emigrantëve, do t'u japë status ligjor 500 mijë bashkëshortëve pa dokumente

Politika e re do të zbatohet për ata që kanë qenë në vend për të paktën 10 vjet dhe do t'i lejojë ata të punojnë në SHBA ligjërisht.

18 Qershor 2024, 17:41 Nga S.B
Joe Biden i vjen në ndihmë emigrantëve, do t'u japë
Joe Biden

SHBA- Presidenti amerikan Joe Biden do të shpallë një politikë të re e cila mbron qindra mijëra bashkëshortë pa dokumente të qytetarëve amerikanë nga dëbimi. Politika e re do të zbatohet për ata që kanë qenë në vend për të paktën 10 vjet dhe do t'i lejojë ata të punojnë në SHBA ligjërisht.

Shtëpia e Bardhë beson se më shumë se 500,000 bashkëshortë do të përfitojnë. Biden është zotuar ta bëjë sistemin e emigracionit në SHBA më të drejtë. Sondazhet tregojnë se çështja është një shqetësim kryesor për shumë votues përpara zgjedhjeve presidenciale në nëntor.

Shtëpia e Bardhë beson gjithashtu se nga politika e re e bashkëshortëve do të përfitojnë 50,000 të rinj nën 21 vjeç, prindi i të cilëve është i martuar me një shtetas/e amerikan/e. Njoftimi vjen përpara një ngjarjeje të martën që shënon 12 vjetorin e Daca, e cila mbrojti mbi 530,000 emigrantë që shkuan në SHBA si fëmijë - të njohur si ëndërrimtarët - nga dëbimi.

Ata që kualifikohen do të kenë tre vjet kohë për të aplikuar për qëndrim të përhershëm dhe do të kenë të drejtë për një leje pune trevjeçare. Procesi i aplikimit ka të ngjarë të jetë i hapur deri në fund të verës, tha të hënën një zyrtar i lartë i administratës.

Shtëpia e Bardhë po planifikon gjithashtu të lehtësojë dhe përshpejtojë procesin e vizave për emigrantët pa dokumenta shumë të aftë që kanë marrë diploma nga universitetet amerikane ose që kanë marrë një ofertë pune në fushën e tyre, duke përfshirë Dreamers.

joe biden

Sondazh

Poll

MË SHUMË