Sport

Asgjësohet celula e ISIS-it në Spanjë: objektiv i tyre lojtarët dhe tifozët e Realit...

Operacioni i Guardia Civil çoi në 9 arrestime në disa qytete spanjole

17 Qershor 2024, 17:43 Nga DOSJA
Asgjësohet celula e ISIS-it në Spanjë: objektiv i tyre

SPANJE - Terrorizmi islamik është rikthyer për të kërcënuar futbollin spanjoll. Sipas 'El Confidencial', në fakt, shërbimet e informacionit Guardia Civil kanë çmontuar javët e fundit një rrjet që synonte të sulmonte stadiumin ‘Santiago Bernabeu’ dhe ftonte militantët e tij të qëllonin kundër lojtarëve dhe tifozëve të Real Madridit. 

Nëntë persona u arrestuan në operacionin në Salt (Girona), Algeciras (Cadiz), Anta (Almeria) dhe Tenerife.

Në një poster të publikuar në internet mund të shihni një burrë me kapuç, duke qëlluar dhe lentet e pamjes së tij teleskopike të drejtuara drejt autobusit të Real Madridit. "Vëllai im i dashur. Prit në një vend afër pikës së mbërritjes së lojtarëve. Synoje ata dhe ndjekësit e tyre" është mesazhi ogurzi në poster.

Në bashkëpunim të ngushtë me Europolin dhe FBI-në amerikane, operacioni i autoriteteve spanjole synonte të shënjestronte Fondacionin e vetëshpallur I'lam, një nga qendrat kryesore të propagandës së lidhur me Shtetin Islamik, me radio stacione, agjenci lajmesh, kompani video, profilet e prodhimit dhe rrjeteve sociale që përhapin përmbajtje radikale në një mori gjuhësh, përfshirë spanjishten.

Shteti Islamik nuk është i huaj për këtë lloj kërcënimi dhe tashmë kishte krijuar panik prillin e kaluar duke kërcënuar se do të sulmonte stadiumet ku po luheshin çerekfinalet e Ligës së Kampionëve.

B.T (Dosja.al)

Sondazh

Poll

MË SHUMË