Sport

Neymar beson se një ditë do të luajë për Flamengon…

Gjatë pushimeve në Brazil, Neymar shkoi të enjten në ndeshjen mes Flamengos dhe Grêmios. Ai shprehu admirimin e tij për klubin Carioca dhe dëshirën për të luajtur atje në të ardhmen.

14 Qershor 2024, 15:41 Nga DOSJA
Neymar beson se një ditë do të luajë për

BRAZIL - Ende duke u rikuperuar nga dëmtimi i gjurit të majtë në tetor dhe tërheqja nga Copa America, ylli brazilian Neymar u ftua nga Gabriel Barbosa, lojtar i Flamengos dhe ish-shoku i skuadrës, për të ndjekur ndeshjen e kampionatit brazilian Flamengo-Grêmio (2-1), të enjten.

Ish-barcelonasi shfrytëzoi rastin për të treguar dëshirën e tij për të luajtur një ditë për ngjyrat kuqezi: “Këtë e kam thënë gjithmonë. Natyrisht, Flamengo është ekipi im i dytë i preferuar, sepse i pari është Santos.

Me gjithë respektin për ekipin që më stërviti dhe për të cilin kam qenë tifoz që i vogël, kam një dashuri të madhe për Flamengon dhe padyshim që do të ishte një kënaqësi e madhe nëse një ditë do të luaja këtu. Unë kam ende një kontratë me Al-Hilal, jam ende atje, por nuk e di. Askush nuk e di të ardhmen”.

Nën kontratë deri në vitin 2025 në Arabinë Saudite, me një vit tjetër opsional, Neymar, 32 vjeç, luajti vetëm pesë ndeshje atje përpara se të dëmtohej në kualifikueset e Kupës së Botës. Në muajt e fundit, emri i tij është lidhur me klubin e tij stërvitor Santos, apo edhe me Inter Miami, klubi ku luajnë katër nga ish-shokët e tij të Barcelonës (përfshirë Lionel Messin).

B.T (Dosja.al)

Sondazh

Poll

MË SHUMË