Politike

"Nevojë emergjente të garantohen zgjedhje të lira", Bardhi: Rama përdor krimin e organizuar përballë opozitës në zgjedhje

Bardhi tha se nëse një politikani i vendos përballë Arben Ndokën, është e pamundur të fitosh, pasi sipas tij ish-deputeti është "një njeri që ditën bën politikë dhe natën porosit vrasje".

13 Qershor 2024, 21:58 Nga r.ll
"Nevojë emergjente të garantohen zgjedhje të lira",
gazment bardhi

TIRANË- Kreu i Grupit Parlamentar të PD-së, Gazment Bardhi ka theksuar se Shqipëria ka nevojë emergjente si të garantohen zgjedhjet e lira dhe të ndershme.

Sipas Bardhit, rrotacioni politik në qoftë se është vullneti i lirë i shqiptarëve, është i pamundur sot me mekanizmat ligjorë që sipas tij ka kryeministri Edi Rama por edhe me mekanizmat ekstraligjorë që përdor në zgjedhje.

Bardhi tha se nëse një politikani i vendos përballë Arben Ndokën, është e pamundur të fitosh, pasi sipas tij ish-deputeti është "një njeri që ditën bën politikë dhe natën porosit vrasje".

Bardhi: Sot Shqipëria ka vetëm një nevojë emergjente, si të garantojmë zgjedhje të lira dhe të ndershme. Si krijojmë një kuadër ligjor që i jep mundësi të barabarta opozitës me ato që janë në pushtet dhe si bëhet e mundur nqs shqiptarët vendosin me vullnetin e tyre për rrotacion të lejohet rrotacioni politik. Sot me mekanizmat ligjorë që ka Edi Rama por edhe me mekanizmat ekstraligjorë që përdorë në zgjedhje praktikisht është i pamundur realizimi i rotacionit politik.

Nëse ti një politikani i vendos përballë Arben Nokën në Lezhë padyshim që është e pamundur të fitosh me një njeri që ditën bën politikë dhe natën porosit vrasje. Nuk kemi hyrë në politikë për të na u rrezikuar jeta apo të kemi përballë krimin e organizuar. Krimi i organizuar duhet të ketë përballë Policinë e Shtetit. Ajo që ka ndodhur në këto vite është që krimi i organizuar dhe Policia e Shtetit ka qënë një dhe janë vënë përballë opozitës.

gazment bardhi edi rama

Sondazh

Poll

MË SHUMË