Aktualitet

EMRI/ Qarkullonte me automatik në makinë, arrestohet 38-vjeçari në Vaun e Dejës

Mësohet se 38-vjeçari Pashk Marku qarkullonte me automatik me vete dhe gjatë kontrollit tentoi ti ikte Policisë.

8 Qershor 2024, 10:59 Nga S.B
EMRI/ Qarkullonte me automatik në makinë, arrestohet 38-vjeçari
foto ilustruese

VAU I DEJËS- Arrestohet një 38-vjeçar në Vaun e Dejës. Mësohet se 38-vjeçari Pashk Marku qarkullonte me automatik me vete dhe gjatë kontrollit teksa ishte në gjendje të dehur tentoi ti ikte Policisë.

Si pasojë është sekuestruar edhe arma e zjarrit të cilën Marku e mbante pa leje.

Njoftimi i Policisë:

Si rezultat i administrimit të menjëhershëm të inteligjencës policore që sigurohet në kuadër të planit operacional kombëtar të koduar “Sundimi i ligjit”, për shtetasit që mbajnë armë, pa leje, shërbimet e Komisariatit të Policisë Vau i Dejës kapën në flagrancë dhe arrestuan shtetasin P. M., 38 vjeç, banues në fshatin Stajkë.

38-vjeçari, në gjendje të dehur, nuk i është bindur urdhrit të punonjësit të policisë së rendit për të ndaluar dhe ka tentuar të largohet. Ai është kapur dhe ndaluar menjëherë dhe me vete i është gjetur 1 armë zjarri automatik të cilën e mbante pa leje.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

 

 

vau i dejes

Sondazh

Poll

MË SHUMË