Sport

Lojtari i Tottenhamit është sulmuar me spraj piperi, jashtë një hoteli me 5 yje në Kanë...

Yves Bissouma ka mbetur pa orën me vlerë 305 mijë euro

4 Qershor 2024, 15:57 Nga DOSJA
Lojtari i Tottenhamit është sulmuar me spraj piperi, jashtë

FRANCE - Shtypi anglez zbulon se Yves Bissouma, mesfushori mbrojtës i Tottenhamit, është grabitur jashtë një hoteli me pesë yje në Kanë. Dy persona e kanë sulmuar me spraj piper në fytyrë, duke i grabitur një orë me vlerë 305 mijë euro.

Gjithçka ka ndodhur kur futbollisti ka mbërritur në hotelin Majestic Barriere, i shoqëruar nga bashkëshortja e tij. Ai u përgjua nga persona të maskuar sapo doli nga makina, rreth orës 4 të mëngjesit të së dielës.

Bissouma u përpoq të arratisej dhe të shkonte në hotel, pasi u sulmua me spraj piperi, por dera ishte e mbyllur në atë kohë. Burrat i hoqën orën nga kyçi i tij dhe u larguan nga vendi i ngjarjes me një makinë, duke lënë lojtarin dhe gruan e tij të shokuar.

Më vonë, pavarësisht se kishin planifikuar të kalonin disa ditë pushime në rivierën franceze, çifti u kthye në Angli.

B.T (Dosja.al)

Sondazh

Poll