Aktualitet

U arrestua pas vetëvrasjes së polices në Tiranë, gjykata liron nga burgu Endri Nikën, e lë në "arrest shtëpie"

Mësohet se pala mbrojtëse ka kërkuar për 28-vjeçarin "Detyrim paraqitje", ndërkohë gjykata ka vendosur ta lërë në "arrest shtepie".

27 Maj 2024, 11:29 Nga B.Z
U arrestua pas vetëvrasjes së polices në Tiranë, gjykata
Aldorjana Loshi

TIRANË - Gjykata e Tiranës ka liruar nga burgu 28-vjecarin Endri Nika, të dashurin e efektives Aldorjana Loshi e cila i dha fund jetës pak ditë më parë në Tiranë. Nika u arrestua fill pas ngjarjes për veprën penale “Veprime që pengojnë zbulimin e së vërtetës”, pasi kishte fshirë mesazhet që kishte shkëmbyer me policen. Mësohet se pala mbrojtëse ka kërkuar për 28-vjeçarin "Detyrim paraqitje", ndërkohë gjykata ka vendosur ta lërë në "arrest shtepie".

Endri Nika, i dashuri i efektives Aldorjana Loshi, u arrestua pas ngjarjes së rëndë dhe u shoqërua në polici për tu marrë në pyetje. Sipas raportimeve të bëra më herët, 28-vjeçari dyshohet se ka shkuar në banesën e Aldorjana Loshit dhe pasi ka njoftuar policinë për ngjarjen e ndodhur, ka fshirë mesazhet në telefonin e saj. I riu ka deklaruar se në gjendje të rënduar psikologjike, ka marrë telefonin e viktimës dhe ka fshirë mesazhet që kishin shkëmbyer së bashku, për të mos u zbuluar lidhja e tyre dhe më pas ishte larguar nga banesa. Sakaq arsyeja që e ka shtyrë policen drejt aktit ekstrem vijon të mbetet mister.

 

aldorjana loshi tirane

Sondazh

Poll

MË SHUMË