Sport

Burnley i kërkon 12 milionë Bayernit për të liruar Kompany, mungon vetëm nënshkrimi…

Kompany mund të mbërrijë në Gjermani vetëm me pagesën e një klauzole, të cilën sot ‘Sky Sports UK’ e zbulon: mbi 10 milionë euro.

25 Maj 2024, 13:50 Nga DOSJA

Burnley i kërkon 12 milionë Bayernit për të liruar Kompany,

GJERMANI - Vincent Kompany, sipas të gjitha gjasave, do të zërë vendin e Thomas Tuchel, si trajner i Bayern Munichut. Negociatat mes klubit gjerman dhe Burnley-t nisën zyrtarisht pak ditë më parë për lirimin e ish-mbrojtësit belg, i cili ka kontratë deri në vitin 2028 me anglezët.

Prandaj, Kompany mund të mbërrinte në Gjermani vetëm me pagesën e një klauzole të konsiderueshme dhe sot ‘Sky Sports UK’ zbulon shumën e kërkesës: mbi 10 milionë euro.

Kompany, 38 vjeç, ka drejtuar Burnley-n që nga vera e vitit 2022: ata arritën ngjitjen në Premier League, por u rrëzuan menjëherë, duke përfunduar në vendin e dytë nga fundi në Premier League 2023/24.

Zgjedhja e Bayernit do të kishte rënë mbi të edhe për arsye gjuhësore: si belg dhe ish-lojtar i Hamburgut, ai e njeh mirë gjermanishten. Pas shumë refuzimeve të marra, çuditërisht, bavarezët janë gati të rifillojnë nga Kompany, i cili duhet të nënshkruajë kontratë deri më 30 qershor 2027.

B.T (Dosja.al)

Sondazh

Poll

MË SHUMË