Aktualitet

A kishte dekonspirim të operacionit "Revanshi" të SPAK? Dumani: Kemi evidentuar lidhje të drejtuesve të policisë me krimin

Sipas tij ky është fakt shqetësues, ndërsa shtoi se nga SPAK janë proceduar rreth 70 punonjës policie.

22 Maj 2024, 11:29 Nga r.ll

A kishte dekonspirim të operacionit "Revanshi" të SPAK?

TIRANË- Kreu i SPAK, Altin Dumani tha gjatë raportimit të tij në Komisionin e Ligjeve se ka evidentuar lidhje të drejtuesve të lartë të policisë së Shtetit me krimin e organizuar. 

Sipas tij ky është fakt shqetësues, ndërsa shtoi se nga SPAK janë proceduar rreth 70 punonjës policie. Dumani tha se ende nuk ka asnjë indicie se operacioni i SPAK "Revanshi" ku u lëshuan 50 urdhër arreste është dekonspiruar. 

Dumani: Është e rëndësishme të bëjmë dallimin mes shumicës absolute të punonjësve të policisë që janë të angazhuar ditë e natë në luftën kundër krimit dhe korrupsionit, duhet ti diferencoj ata nga një pakicë e inkriminuar.

Në shumë nga hetimet tona kemi evidnetur lidhje të krimit të organizuar me drejtues të lartë të policisë së shtetit. Korrupsioni në radhët e policisë është problematike.

Janë proceduar nga ne rreth 70 punonjës policie. Na kanë rezultuar drejtues të lartë të policisë së shtetit të lidhur me krimin, është ulëritëse kur bëhen pjesë dhe bashkëpunojnë me krimin e organizuar. Ish-drejtori i operacionales, disa shefa krimesh, dhe nuk rri dot pa e adresuar këtë shqetësim, por që kemi një bashkëpunim shumë të mirë me policinë e shtetit nuk mund të rri pa e thënë. Nuk kemi indicie që operacioni është dekonspiruar.

 

altin dumani raporti vjetor i spak komisioni i ligjeve

Sondazh

Poll