Sport

Onana pret me padurim finalen e FA Cup: “Duam t'i kënaqim tifozët me një trofe”

Man.United përpiqet të shpëtojë sezonin në 'Wembley'

21 Maj 2024, 08:30 Nga DOSJA

Onana pret me padurim finalen e FA Cup: “Duam t'i kënaqim

ANGLI - Pasi nuk arriti të hyjë në garat evropiane përmes kampionatit, vendi i 8-të është renditja më e keqe që nga viti 1989/90, Manchester United ka shpresën e fundit për të shpëtuar sezonin dhe për të garantuar hyrjen në fazën e grupeve të Europa League nëpërmjet FA Cup.

Detyra nuk është e lehtë, pasi kundërshtari në finale, që do të luhet të shtunën, është Manchester City, por skuadra është e motivuar për të “shpërblyer tifozët” siç shpjegoi portieri André Onana. "Ishte një sezon shumë i vështirë, por ne duam të përfundojmë fuqishëm në Wembley. Ne jemi atje dhe do të luftojmë deri në fund", premtoi kamerunasi.

Optimist ishte edhe trajneri Erik Ten Hag pas fitores (2-0) ndaj Brighton. "Çdo fëmijë ëndërron të luajë në një finale të Kupës dhe është fantastike të jesh pjesë e kësaj. Të gjithë në klub janë të emocionuar për mundësinë për të fituar këtë trofe. Do të jetë e vështirë, por nëse jeni në një finale, qëllimi është të jemi fitues. Ne duam të kthehemi duke fituar trofe dhe duke qenë në Evropë”, shpjegoi ai.

B.T (Dosja.al)

Sondazh

Poll

MË SHUMË