Aktualitet

"Do bëhesh dhe ti si nëna"/ Detaje nga vrasja e shqiptares në Greqi, Eduard Danaj kërcënonte dhe të bijën

Ai kishte kërcënuar edhe të bijën, duke i thënë: “Do të vras dhe ty, do bëhesh si nëna jote. Pastaj do vras veten”.

17 Maj 2024, 10:07 Nga B.Z
"Do bëhesh dhe ti si nëna"/ Detaje nga vrasja e shqiptares
Enkelejda Danaj, Eduard Danaj

GREQI - Detaje të reja kanë dalë në dritë nga ngjarja që ndodhi një ditë më parë në Greqi ku 50-vjeçari Eduard Danaj vrau me thikë ish-gruan e tij Enkelejda Danaj. Sipas mediave greke ai ka deklaruar në polici se nuk pendohet për vrasjen, dhe se sipas tij ajo po i shpenzonte paratë dhe se kishte pasur lidhje jashtëmartesore përgjatë viteve që ishin bashkë.

Ndërkohë, mediat greke raportojnë se ai kishte kërcënuar edhe të bijën, duke i thënë: “Do të vras dhe ty, do bëhesh si nëna jote. Pastaj do vras veten”.

40-vjeçarja, Enkelejda Danaj u gjet e pajetë mëngjesin e djeshëm në kryqëzimin e rrugëve Parnithos dhe Aristotelous, një nga pikat më qendrore të Menidit në Greqi. Ajo ishte goditur me thikë në bark nga ish-bashkëshorti i saj, Eduart Danaj 50-vjeç me origjinë nga Vlora. Raportohet se 40-vjeçarja e kishte denoncuar tre herë ish-bashkëshortin për dhunë në familje, por ky i fundit është lënë i lirë nga policia vendase. Sipas informacioneve të mediave greke, Enkelejda kishte përmendur në denoncimet e saj se 50-vjeçari, kishte nisur të konsumonte sasi të mëdha alkooli dhe të bëhej i dhunshëm, ku si pasojë e ka dhunuar dhe kërcënuar disa herë. Hera e fundit që 40-vjeçarja e kishte denoncuar sërish për dhunë në familje (kanosje, lëndim fizik dhe fyerje) ka qenë më 7 maj 2024. Më pas burri është arrestuar dhe dërguar në prokurori, ndërsa do të dilte para gjyqit më 17 maj. 

enkelejda danaj eduard danaj vrasje greqi

Sondazh

Poll

MË SHUMË