Aktualitet

U kapën duke shitur 3.8 kg kanabis një malazezi, arrestohen 3 persona në Shkodër, në pranga edhe nëna e njërit prej tyre (EMRAT)

Në pranga përfunduan: Vera Ymeri, Klintis Ymeri, (nënë e bir) Sait Fikaj dhe Igor Duretiç.

14 Maj 2024, 11:04 Nga r.ll
U kapën duke shitur 3.8 kg kanabis një malazezi, arrestohen 3 persona
foto ilustruese

SHKODËR- Pas 4 muajsh hetime është finalizuar operacioni policor "Vendtakimi", ndërsa Policia e Shkodrës ka arrestuar 4 persona, të cilët akuzohen për përfshirje në trafik droge.

Të arrestuarit u kapën në flagrancë gjatë shitblerjes së 3.8 kilogramëve cannabis sativa, shitësit dhe blerësi i drogës, shtetas malazez.

Në pranga përfunduan: Vera Ymeri, Klintis Ymeri, (nënë e bir) Sait Fikaj dhe Igor Duretiç.

NJOFTIMI I POLICISE

Finalizohet pas 4 muajsh hetime me metoda proaktive, në bashkëpunim me Prokurorinë e Shkodrës, operacioni policor “Vendtakimi”.

U kapën në flagrancë gjatë shitblerjes së 3.8 kilogramëve cannabis sativa, vihen në pranga 3 shtetas (blerësi, shtetas malazez).

Në pranga dhe nëna e njërit prej të arrestuarve, pasi dyshohet se ka bashkëpunuar për të siguruar lëndën narkotike.

Sekuestrohen lënda narkotike, 2 automjete dhe 6 celularë.

Seksioni për Hetimin e Narkotikëve, në bashkëpunim me Seksionin e për Hetimin e Trafiqeve dhe me Forcën e Posaçme “Shqiponja” të DVP Shkodër, gjatë këtij operacioni, arrestuan në flagrancë shtetasit V. Y., 58 vjeçe dhe K. Y., 28 vjeç (nënë e bir), shtetasin S. F., 63 vjeç, si dhe shtetasin nga Mali i Zi, I. D., 35 vjeç.

Në fshatin Kullaj, shtetasit K. Y. dhe S. F. u kapën në flagrancë, teksa i shisnin 35-vjeçarit, rreth 3.8 kg lëndë narkotike cannabis sativa, për sigurimin e së cilës dyshohet se kanë bashkëpunuar me shtetasen V. Y.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

 

policia e shkodres

Sondazh

Poll

MË SHUMË