Politike

"Rama është armik i fjalës së lirë", Meta: Inkurajon gazetarët të vijojnë misionin të patrembur nga presionet e shantazhet

Meta thotë se Shqipëria është vendi i fundit në rajon në lidhje me lirinë e medias, referuar Indeksit Botëror të Lirisë së Medias.

3 Maj 2024, 09:52 Nga M.B
"Rama është armik i fjalës së lirë", Meta:
Protesta e gazetarëve

TIRANA- Presidenti i Partisë së Lirisë, Ilir Meta, ka bërë një postim në rrjetet sociale dedikuar Ditës Ndërkombëtare të Lirisë së Shtypit. Meta thotë se Shqipëria është vendi i fundit në rajon në lidhje me lirinë e medias, referuar Indeksit Botëror të Lirisë së Medias. Ai shkruan se kryeministri Edi Rama është armik i fjalës së lirë dhe pavarësisë së medias. Po ashtu Meta tha se i inkurajon punonjësit e mediave të vijojnë pa u trembur misionin e tyre.

Postimi i plotë:

Shqipëria e fundit në rajon edhe mes vendeve kandidateve për në Bashkimin Europian, sipas Indeksit Botëror të Lirisë së Medias. Nga vendi i 85-të në vitin 2014, tani renditemi në vend të 99-të, me një klimë më të përkeqësuar për gazetarët. Asnjë surprizë! Edi Rama është armik i fjalës së lirë dhe i pavarësisë së medias sepse ai është armiku kryesor i lirisë së çdo qytetari shqiptar, i votës së lirë, pluralizmit politik, demokracisë, shtetit ligjor dhe i barazisë para ligjit.

Duke dënuar me forcë dhunën, censurën, presionet dhe shantazhet gjithmonë në rritje ndaj medias së pavarur dhe kritike me Qeverinë, inkurajoj gazetarët të vijojnë pa u trembur misionin e tyre dhe i ftoj organizatat prestigjioze botërore të medias të monitorojnë edhe me më shumë vëmendje situatën e kolegëve të tyre në Shqipëri. Pa liri të medias, nuk ka demokraci, llogaridhënie dhe transparencë!

liria e shtypit

Sondazh

Poll

MË SHUMË