Politike

Thirrja e Veliajt në SPAK, Kryemadhi: Unë dhe LSI vendosëm standard në hetimin e korrupsionit qeveritar

Më tej ajo shtoi se kallëzimet e e firmosura për aferën e inceneratorëve janë aty si dëshmi e qartë e vullnetit të Kryemadhit dhe kolegëve të LSI, që më mbështetën në çdo hap, për papajtueshmërinë me korrupsionin qeveritar. Deputetja e PL-së tha se e drejta vonon por drejtësi do të ketë një ditë dhe se ajo do të vazhdojë luftën.

30 Prill 2024, 16:43 Nga N.F
Thirrja e Veliajt në SPAK, Kryemadhi: Unë dhe LSI vendosëm
Kryemadhi

TIRANË- Deputetja e Partisë së Lirisë, Monika Kryemadhi përmes një postimi në llogarinë e saj në "Facebbok" ka reaguar në lidhje me thirrjen në SPAK të kryebashkiakut, Erion Veliaj. Kryemadhi shkruan se se ajo dhe ekipi i saj i LSI-së që drejtonte më herët, vendosën një standard të ri për mënyrën se si hetohet korrupsioni qeveritar.

Më tej ajo shtoi se kallëzimet e e firmosura për aferën e inceneratorëve janë aty si dëshmi e qartë e vullnetit të Kryemadhit dhe kolegëve të LSI, që më mbështetën në çdo hap, për papajtueshmërinë me korrupsionin qeveritar. Deputetja e PL-së tha se e drejta vonon por drejtësi do të ketë një ditë dhe se ajo do të vazhdojë luftën.

Postimi i Monika Kryemadhit:

Falenderoj me përulje ekipin e profesionistëve, që më ndihmuan pa u lodhur për të realizuar kontributin tim më të madh politik si Kryetare e LSI, atë të KALLËZIMIT PENAL të aferës së inceneratorëve. Falë një pune hetimore që ka zgjatur disa vite, eksperienca e tyre profesionale bëri të mundur që një mal me prova t’i vendoseshin në dispozicion prokurorisë speciale anti korrupsion për shkeljet ligjore të zyrtarëve publikë, shoqëruar me analizën e detajuar të krimeve financiare.

Sot, ne, shqiptarët dhe ndërkombëtarët, po shohim një hap tjetër drejt misionit që morëm përsipër. Është ky standard i ri që vendosëm bashkërisht për mënyrën se si hetohet korrupsioni qeveritar, e cila ka bërë që Erion Veliaj, nga zyrtar i maxhorancës i cili kërcënonte në emër të drejtësisë, të shkojë sot e të përgjigjet para SPAK për abuzimet e tij.

KALLËZIMET e firmosura për aferën e inceneratorëve janë aty si dëshmi e qartë e vullnetit tim dhe kolegëve të LSI, që më mbështetën në çdo hap, për papajtueshmërinë me korrupsionin qeveritar! Aty janë të KALLËZUAR kokat e korrupsionit të qeverisë dhe shqiptarët presin me padurim fundin e një drejtësie selektive ku ligji funksionon “me mik”.

Me një sistem drejtësie të pavarur dhe që punon shpejt për të ndaluar korrupsionin, paratë e vjedhura do t’i ktheheshin shqiptarëve dhe e gjithë qeverisja do të ripërtërihej. E drejta vonon por drejtësi do të ketë një ditë! Unë do të vazhdoj luftën dhe falenderoj çdo njeri që kontribuoi për këtë ditë ku muri i madh mbrojtës për pandëshkueshmërinë e qeverisë së inceneratorëve, u ça.

kryemadhi spak veliaj

Sondazh

Poll

MË SHUMË