Sport

Ten Hag: "Ne jemi një nga ekipet më dinamike dhe argëtuese në Premier League"...

Trajneri i Manchester United është i mërzitur për barazimin në shtëpi kundër Burnley

28 Prill 2024, 13:00 Nga DOSJA

ANGLI - Erik Ten Hag, trajneri i Mançester Junajtid, ka reaguar për barazimin në shtëpi ndaj Burnleyt, i cili sipas tij, nuk duhet të ndodhte: “Jam shumë i frustruar. E vendosëm veten në pozita të vështira. Në shumë faza të lojës dolëm shumë mirë, ndaj në fund duhet të merrnim tre pikët dhe pa pësuar gol. Dështuam sërish në fund”.

I pyetur, nëse zhgënjimet që Man.United ka pasur gjatë gjithë sezonit, mund të jenë fat i keq apo problem i mentalitetit, Ten Hag konsideron se problem janë të dyja: “Fat i keq në ndeshje dhe ne nuk kemi pasur fat me arbitrimin javët e fundit. Kemi vuajtur kaq shumë me penalltitë... kjo është e justifikuar, por ka të tjera që nuk janë”,- shpjegoi trajneri holandez.

Me këtë rezultat, Manchester United e sheh vendin e katërt, dhe kualifikimin e mëpasshëm në Champions League, gjithnjë e më larg, diçka që Ten Hag e komentoi: “Europa League duket më e mundshme… Këto janë faktet. Nuk është e lehtë të kapësh vendin e katërt kur je kaq larg. Ne kishim nevojë të fitonim. Javët e fundit kemi qenë në një pozicion për të fituar dhe më pas kemi humbur. Diferenca është shumë e madhe në këtë fazë të sezonit”.

Në lidhje me rastet e humbura të skuadrës së tij, trajneri i Manchester United mbrojti lojtarët e tij: “Të gjitha skuadrat humbasin mundësitë, por te ne kjo është e çuditshme. Ne krijuam edhe shumë mundësi. Për momentin, ne jemi një nga skuadrat më dinamike dhe argëtuese në kampionat. Po krijojmë shumë mundësi dhe po luajmë futboll të mirë”.

B.T (Dosja.al)