Politike

Kush është personi që po përdor Rama për t’i marrë PL-në? Meta: Nuk ka buburrec që i merr partinë Xhixhos dhe Blushit

Meta tha se Rama përdori Lulzim Bashën për t’i marrë vulën PD-së që drejtohej nga Berisha.

24 Prill 2024, 22:02 Nga I.A
Kush është personi që po përdor Rama për t’i
Ilir Meta

TIRANË- Kryetari i Partisë së Lirisë Ilir Meta ka deklaruar se kreu i SPAK, Altin Dumani dëshiron që t’i sekuestrojë partinë dhe t’ia japë Ramës. I ftuar në emisionin “Quo Vadis” në Vizion Plus, Meta tha se Rama përdori Lulzim Bashën për t’i marrë vulën PD-së që drejtohej nga Berisha.

Meta: Përplasja me SPAK është vetëm parimore dhe asgjë tjetër. Nuk ekziston asnjë skenar për mua.

Kikia: Çfarë fakti keni që zoti Dumani do sekuestrojë PL?

Meta: SPAK mbylli çështjen e Lulzim Bashës dhe e përdorën për të marrë vulën e cila i takonte PD-së së vërtetë që drejtohej nga Berisha. Kush e bëri këtë? Unë e bëra? Gjykata vendosi që vula i takon PD dhe kjo është PD.

Kikia: Kush do ta marrë vulën e PL-së? Thoni që do ta marrë vulën dhe do t’ia çojë Ramës? Kjo është figurative?

Zili: Kë po përdor Rama në PL, nëse në PD përdori Lulzim Bashën?

Meta: Nuk ka çfarë të përdorë, nuk ka buburrec që i merr partinë Erisa Xhixhos dhe Tedi Blushit. Ne jemi partia më transparente.  

ilir meta

Sondazh

Poll