Aktualitet

Morën rryshfet për një ndërtim pa leje, shpallen në kërkim kryeinspektori dhe inspektori i IKMT-së në Elbasan

Ata janë shpallur në kërkim pasi dyshohet se kanë marrë ryshfet për të mos kryer detyrën që ua ngarkon ligji ndaj një rasti të ndërtimit pa leje.

24 Prill 2024, 12:36 Nga N.F
Morën rryshfet për një ndërtim pa leje, shpallen në
Policia

ELBASAN- Kryeinspektori dhe inspektori i Inspektoratit të Mbrojtjes së Territorit në Elbasan janë shpallur në kërkim ditën e sotmë nga policia. Ata janë shpallur në kërkim pasi dyshohet se kanë marrë ryshfet për të mos kryer detyrën që ua ngarkon ligji ndaj një rasti të ndërtimit pa leje.

Sipas njoftimit të policisë dyshohet se kryeinspektori 38-vjeçari me inicialet A.M dhe inspektori 50-vjeçar me inicialet B.Q në muajin prill të këtij viti kanë marrë ryshfet për të mos kryer detyrën e tyre për të marrë masat ndaj një objekti të ndërtuar pa leje në lagjen “28 nëntori”.

Gjykata e Elbasanit ka caktuar masën e sigurisë “arrest e burg” për veprat penale “Shpërdorimi i detyrës dhe “korrupsioni pasiv i personave që ushtrojnë funksione publike”. Materialet procedurale i kaluan Prokurorisë, ndërkohë që vijon puna intensive për kapjen e këtyre 2 shtetasve.

elbasan policia kerkim rryshfet

Sondazh

Poll