Aktualitet

Nga zhvillimi i hetimeve të narkotikëve, krimeve dhe siguria rrugore, vihen në pranga tetë persona në Tiranë

Nga hetimi i narkotikëve u vunë në pranga S.S 40-vjeç dhe N.N 28-vjeç.

21 Prill 2024, 13:44 Nga E. D
Nga zhvillimi i hetimeve të narkotikëve, krimeve dhe siguria rrugore,
foto ilustruese

TIRANË- Policia e Tiranës ka zhvilluan disa aksione në fushat e hetimit të narkotikëve, krimeve dhe rritjes së sigurisë rrugore, duke vënë tetë persona në pranga. Nga hetimi i narkotikëve u vunë në pranga S.S 40-vjeç dhe N.N 28-vjeç. Ndërsa nga hetimi i krimeve në pranga ranë dy persona të tjerë B.H 18-vjeç dhe A.K 39-vjeç. Gjithashtu nga hetimi i sigurisë rrugore u arrestuan 4 persona S.B 42-vjeç, M.L 36-vjeç, A.Sh 24-vjeç dhe A.B 34-vjeç. 

NJOFTIMI I POLICIS3: 

Forcat e Policisë në Tiranë zhvilluan disa aksione në fushat e hetimit të narkotikëve e krimeve dhe rritjes së sigurisë rrugore.

1 - Hetimi i narkotikëve

U arrestuan në flagrancë shtetasit:

- S. S., 40 vjeç, pasi u kap me lëndë të dyshuar narkotike kokainë;

- N. N., 28 vjeç, pasi ka shkelur masën e sigurisë "Arrest në shtëpi", caktuar nga Gjykata, dhe gjatë kontrollit fizik shërbimet e Policisë, i gjetën dhe sekuestruan, sasi lënde të dyshuar narkotike kokainë.

2 - Hetimi i krimeve

U arrestuan shtetasit:

- B. H., 18 vjeç, pasi gjatë kontrollit të celularit të tij, i'u gjetën faqe që shërbejnë për vendosjen e basteve sportive.

- A. K., 39 vjeç, pasi mbrëmjen e djeshme, në Fushë Krujë, duke drejtuar automjetin në gjendje të dehur, ka aksidentuar me pasojë vdekjen një të mitur 17 vjeç.

3 - Siguria rrugore

U arrestuan shtetasit:

- S. B., 42 vjeç, pasi duke drejtuar automjetin, ka aksidentuar shtetasin B. R., i cili pasi ka marrë ndihmën mjekësore në spital, është larguar në banesë;

- M. L., 36 vjeç, pasi duke drejtuar automjetin në gjendje të dehur, është përplasur me motomjetin me drejtues shtetasin E. M. Si pasojë janë dëmtuar të dy drejtuesit dhe ndodhen jashtë rrezikut për jetën;

- A. Sh., 24 vjeç, pasi u kap duke drejtuar automjetin në gjendje të dehur;

- A. B., 34 vjeç, pasi duke drejtuar automjetin në gjendje të dehur, është përplasur me motomjetin me drejtues shtetasin P. N. 34-vjeçari që ka shkaktuar aksidentin, nuk ka njoftuar Policinë dhe është larguar nga vendi i ngjarjes duke fshehur mjetin, në banesën e tij. Shtetasi P. N., ndodhet në spital, në kujdesin e mjekëve.

policia tiranës

Sondazh

Poll

MË SHUMË