Politike

Debatet në mbledhje/ Tre deputetë i kërkojnë Bardhit t'i dërgojë shkresë të dytë Kuvendit: E papranueshme lënia e Berishës jashtë grupi

Luan Baçi tha se kishte marrë konfirmim nga Kuvendi që nëse kërkesa e PD vjen me emrin e Berishës, ai do të bëhet pjesë e grupit parlamentar.

17 Prill 2024, 19:52 Nga r.ll
Debatet në mbledhje/ Tre deputetë i kërkojnë Bardhit
sali berisha

TIRANË- Mbledhja e Grupit Parlamentar të PD-së është shoqëruar edhe me debate, ku një prej tyre ishte për mospërfshirjen nga Kuvendit të liderit të opozitës, Sali Berishën në përbërjen e kësa strukture. 

Deputetët Tritan Shehu, Luan Baçi dhe Edmond Spaho i kanë kërkuar Bardhit t'i bëjë sërish kërkesë Kuvendit për futjen e Berishës në listën e Grupit. 

"Qëndrim të egër duhet të mbaj Grupi Parlamentar për të mbrojtur Sali Berishën, për ta përfshirë në grup, madje duhet edhe t’u dërgojmë letra ndërkombëtarëve, ku t’i informojmë për burgosjen politike të kreut të opozitës. Duhet të mendojmë një procedurë, të marrim vetëdeklarimet, të bëjmë diçka.", ka thënë Spaho. 

Luan Baçi tha se kishte marrë konfirmim nga Kuvendi që nëse kërkesa e PD vjen me emrin e Berishës, ai do të bëhet pjesë e grupit parlamentar.

“Duhet një shkresë e dytë ku të rreshtohen të gjithë emrat e deputetëve të dalë nga lista e 25 prillit 2021 dhe ti dërgohet Kuvendit. Këtë gjë ma konfirmuan edhe shërbimet e Kuvendit, pasi u interesova për këtë gjë! Po të vij kështu më thanë me emra absolutisht që do të jetë në listë”, mësohet të ketë thënë Baçi.

Deputeti Edmond Spaho, e ka quajtur të papranueshëm lënien e Berishës jashtë grupit.

“Sipas ligjit qenia ne grupin parlamentar të PD përcaktohet nga njoftimi i KQZ për zgjedhjet e 2021 si dhe vetdeklarimi i deputetit. KQZ e ka deklaruar Z. Berisha deputet i PD dhe Z. Berisha vetëdeklarimin në fillim te sesionit e ka bere deputet i PD. Këto lojëra ka ardhur koha te marrin fund”, ka deklaruar Spaho.

Nga ana tjetër Bardhi pak orë më herët tha për mediat se Grupi Parlamentar i Partisë Demokratike ka kryetar Sali Berishën, ku i quajti provokime të Edi Ramës ndaj opozitës vendimin e Lindita Nikollës për të mos përfshirë Berishë, si deputet në Grupin Parlamentar të Partisë Demokratike.

sali berisha tritan shehu luan baci edmond spaho

Sondazh

Poll

MË SHUMË