Aktualitet

Këshilli i Ministrave miraton hapjen e ambasadave shqiptare në Kenia, Indi dhe Indonezi

Pas vendimit të sotëm, numri i përfaqësive shqiptare në botë shkon në 60, ndër të cilat 44 ambasada, 9 konsullata të përgjithshme dhe 9 misione të përhershme.

17 Prill 2024, 17:18 Nga r.ll
Këshilli i Ministrave miraton hapjen e ambasadave shqiptare në Kenia,
kryeministria

TIRANË- Shqipëria do të ketë së shpejti ambasadat dhe përfaqësitë e saj diplomatike edhe në Kenia, Indi dhe Indonezi. 

Lajmin e ka dhënë ministri i Jashtëm, Igli Hasani ku tha se sot Këshilli i Ministrave ka miratuar hapjen e ambasadave në këto tre shtete, ndërsa shtoi se ky vendim forcon më shumë në botë pasaportën shqiptare.

Pas vendimit të sotëm, numri i përfaqësive shqiptare në botë shkon në 60, ndër të cilat 44 ambasada, 9 konsullata të përgjithshme dhe 9 misione të përhershme.

POSTIMI I HASANIT:

Shqipëria do të ketë së afërmi përfaqësitë e saj diplomatike edhe në Kenia, Indi e Indonezi, duke forcuar kështu pasaportën shqiptare në botë. Në Këshillin e Ministrave, sot miratuam hapjen e ambasadave në këto 3 shtete, nisur nga objektivat strategjike afatmesme dhe afatgjata, të nxitur nga kërkesa e vazhdueshme, për të qenë edhe më efektivë në marrëdhëniet ndërkombëtare.

Kjo nismë u mor nga Ministria për Evropën dhe Punët e Jashtme, duke vlerësuar kontributin dhe peshën specifike që çdo vend projekton në arenën ndërkombëtare dhe rolin gjithnjë e më të madh të Shqipërisë në organizmat ndërkombëtarë.

Turizmi dhe zgjerimi i hartës së lëvizjeve të shtetasve shqiptarë për qëllime turistike, është një tjetër argument, mbi të cilin MEPJ u mbështet për propozimin e hapjes së 3 përfaqësive të reja. Pas vendimit të sotëm, numri i përfaqësive shqiptare në botë shkon në 60, ndër të cilat 44 ambasada, 9 konsullata të përgjithshme dhe 9 misione të përhershme.

igli hasanike ambasade shqiptare kenia indi indonezi

Sondazh

Poll

MË SHUMË