Art&Argëtim

Aktivistët kërkojnë largimin e Izraelit nga gara e Eurovizionit, pas kërcënimeve autoritetet suedeze marrin masa të rrepta sigurie

Finalja e drejtpërdrejtë televizive është planifikuar për në 11 maj, me gjysmëfinalet në 7 maj dhe 9 maj.

17 Prill 2024, 16:01 Nga S.B
Aktivistët kërkojnë largimin e Izraelit nga gara e Eurovizionit,
foto ilustruese

SUEDI- Siguria do të jetë e rreptë gjatë Eurovizionit të muajit të ardhshëm në qytetin jugor të Suedisë, Malmo, për shkak të demonstratave që mund të çojnë në trazira dhe një kërcënim të shtuar të terrorizmit në vendin skandinav.

"Siguria do të jetë rigoroze," tha Petra Stenkula, kreu i zonës së policisë në Malmo, sipas transmetuesit suedez TV4.

Aktivistët pro-palestinezë që duan që Izraeli të largohet nga Eurovision Song Contest, kanë paralajmëruar mitingje të mëdha në qendër të Malmos, disa kilometra nga vendi i konkursit Malmo Arena. Finalja e drejtpërdrejtë televizive është planifikuar për në 11 maj, me gjysmëfinalet në 7 maj dhe 9 maj.

Aktivistët pro-palestinezë kanë planifikuar dy demonstrata të mëdha për të protestuar kundër pjesëmarrjes së Izraelit, pasi konflikti në Lindjen e Mesme kërcënon të errësojë festivalin e muzikës pop. Aktivistët dhe disa muzikantë i kanë kërkuar Unionit të Transmetimeve Evropiane, të heqë Izraelin nga gara për shkak të sjelljes së tij të luftës kundër Hamasit në Gaza, të shkaktuar nga sulmi i grupit militant në Izrael më 7 tetor.

I lançuar në vitin 1956 për të nxitur unitetin pas Luftës së Dytë Botërore, Eurovision është bërë një festë e qetë dhe e këndshme e muzikës pop me një audiencë prej qindra milionësh në mbarë botën. Ai është rritur nga shtatë vende në pothuajse 40, duke përfshirë kombe jo-evropiane si Izraeli dhe Australia.

Suedia fitoi konkursin e vitit të kaluar në Liverpool, Angli, me baladën e fuqishme "Tattoo" nga këngëtarja Loreen. Vendi pritës zakonisht është fituesi i ngjarjes së vitit të kaluar.

suedi malmo eurovision

Sondazh

Poll

MË SHUMË