Sport

Van Dijk dhe ëndrra për rikthimin e madh...

I mundur nga Atalanta në shtëpi, Liverpool do të duhet të rikthehet në Itali, për të shpresuar të vazhdojë aventurën në Europa League.

12 Prill 2024, 18:41 Nga DOSJA
Van Dijk dhe ëndrra për rikthimin e madh...

ANGLI - Një tërmet i vogël në Europa League! Dje, në ndeshjen e parë çerekfinale të C3, Liverpool, një nga favoritët e mëdhenj të këtij edicioni, priti italianët e Atalantës.

Dhe për habinë e të gjithëve, ‘Reds’ u fundosën në ‘Anfield’ për të humbur me rezultatin rëndë 3-0 me golat e Gianluca Scamacca (dopiedë) dhe Mario Pasalic. Për të shpresuar për të arritur në gjysmëfinale, anglezët do të duhet të arrijnë një sukses të madh të enjten e ardhshme në Itali.

“Ne e bëmë shumë të vështirë për veten tonë”

I pyetur për këtë, Virgil Van Dijk, kapiteni i Liverpool-it, foli për një "rikthim" të mundshëm për skuadrën e tij: "Nëse nuk besojmë në të, nuk ia vlen të shkojmë në Itali. Humbja 0-3, e bëmë shumë të vështirë për veten tonë. Por për t'u rikuperuar, gjëja e parë që duhet të bëjmë është të fitojmë kundër Crystal Palace të dielën.

Ne kemi nevojë që të gjithë të na bëjnë të ecim përsëri. Më pas do të duhet të përpiqemi të shënojmë të paktën katër gola në ndeshjen e kthimit,"- tha holandezi për ‘TNT Sports’. Mesazhi është dërguar, Crystal Palace është paralajmëruar.

B.T (Dosja.al)

Sondazh

Poll

MË SHUMË